قالانىڭ باس جوسپارىن سينگاپۋرلىق «Surbana Jurong» كومپانياسى ازىرلەگەن. ۇكىمەتتىڭ مالىمەتىنشە, جوباعا قازىردىڭ وزىندە ازيا مەن ەۋروپانىڭ ستراتەگيالىق ينۆەستورلارى جانە تەحنولوگيالىق كومپانيالارى قىزىعۋشىلىق تانىتىپ وتىر. جاڭا قالا ءتورت ءىرى اۋداننان تۇرادى: «Gate City» – ىسكەرلىك جانە قارجىلىق ورتالىق, «Golden District» – ءبىلىم بەرۋ جانە مەديتسينالىق حاب, «Growing District» – يننوۆاتسيالىق-ونەركاسىپتىك جانە ساۋدا-لوگيستيكالىق ايماق, «Green District» – تۋريستىك كلاستەر. دامۋ جوباسىنا سايكەس, 2050 جىلعا قاراي الاتاۋ قالاسىنىڭ حالقى 2 ميلليون 40 مىڭ ادامعا جەتۋگە ءتيىس.
