ەل اۋزىنداعى اڭگىمەلەرگە قاراعاندا ابىزدىق پەن اۋليەلىكتىڭ بەلگىسى سانالاتىن اساتاياق سوپىنىڭ بالاسى قوسىمقوجاعا مۇرا بولىپ قالسا كەرەك. ەرەكشە قاسيەتىمەن تانىلعان سوپىنىڭ بۇل بالاسى دا جۇرتتى تالاي كەرەمەتىمەن تاڭعالدىرعان, دۇعاسى قابىل بولعان جان اتانىپتى.
مۋزەيدىڭ عالىم-حاتشىسى اسحات سايلاۋدىڭ ايتۋىنشا, ۇرپاقتارىنىڭ قولىنداعى اسانىڭ كوشىرمەسىن بەلگىلى ۇستا بەكزات جاقىپوۆ جاساپتى.
«ەل اراسىندا تاريحي ءمانى زور تالاي مۇرا ساقتالىپ تۇر. قازىرگى يەلەرىنىڭ كوپشىلىگى ولاردى مۋزەيگە وتكىزۋگە اسىعا قويمايدى. ءتىپتى «وسى زاتتى بەرسەم كيە كوشەدى, ىرىس اۋىسادى» دەپ ۇعاتىندار جادىگەردىڭ ءوزىن كورسەتۋگە ق ۇلىقسىز. قۇندى زاتتىڭ كوشىرمەسى كوبەيىپ كەتەدى دەپ قورقاتىندار دا جوق ەمەس. وسىنداي تۇسىنىك سالدارىنان قازىر جىلقامان باتىردىڭ بىلعارى قالتاسى, قايقى باتىردىڭ بەلدىگى سىندى مۇرالاردى الا الماي وتىرمىز. مىسالى, قوجان قوجا مازارىندا دا ءبىراز جادىگەر جۇرت كوزىنەن جاسىرىن جاتىر. ۇرپاقتارىنىڭ قولىنداعى ءاميت يشاننىڭ دۇنيەلەرى مەن جانقوجا باتىر ساۋىتىنىڭ تامتىعىنا دا قولىمىز جەتپەي وتىر. مىسالى, احۋنداردان قالعان كىتاپتار مەن قولجازبالاردى ءۇي جاعدايىندا ساقتاۋ قيىن. ولاردىڭ ورنى مۋزەي بولۋعا ءتيىس. بىراق سونى تۇسىندىرە الماي قينالامىز», دەيدى اسحات سايلاۋ.
ءپىردىڭ اساتاياعىمەن قاتار مۋزەيدىڭ جاڭا جادىگەرلەرى قاتارىندا مارال يشان تۇتىنعان دۇنيەلەر, يشاننىڭ وققاعارى ءتاجى باتىردىڭ كۇمىس ەرى, بۇقارباي باتىردىڭ قىلىشى مەن تۋىنىڭ شاشاعى, بەكبەرگەن, نۇرعالي باقسىلاردىڭ قوبىزدارى تۇر.
قىزىلوردا
