فوتو: inbusiness.kz
وڭىرلىك ءىت حابتار يننوۆاتسيالىق ەكوجۇيەنىڭ نەگىزگى ەلەمەنتىنە اينالدى. قازىردىڭ وزىندە قازاقستاندا ولاردىڭ 19-ى بار. سونىمەن قاتار ساۋد ارابياسى, اقش, ۇلىبريتانيا, دۋباي جانە قىتايدا شەتەلدىك الاڭدار اشىلعان.
Astana Hub حالىقارالىق سەرىكتەستەرمەن بىرلەسىپ ستارتاپ-ەكوجۇيەنى دامىتىپ جاتىر. AI’Preneurs جانە Silk Way Accelerator (Google-مەن سەرىكتەستىكتە) باعدارلامالارى شەڭبەرىندە قازاقستاندىق جوبالار الەمدىك نارىقتارعا شىعادى. AlchemistX, Draper University جانە Silkroad Innovation Hub-پەن ىنتىماقتاستىقتىڭ ارقاسىندا كرەمني القابىندا 40-تان استام ستارتاپ اكسەلەراتسيادان ءوتتى. 2026 جىلعا قاراي قازاقستان $1 ملرد كولەمىندەگى IT-قىزمەتتەر ەكسپورتىنا قول جەتكىزۋدى ماقسات ەتىپ وتىر.
Tech Orda باعدارلاماسى 2025 جىلى 100 000 IT مامانىن وقىتۋدى قاراستىرىپ وتىر. ونلاين جانە وفلاين باعدارلامالار – Tomorrow School, AI’Preneurs, Decentrathon 2.0, سونداي-اق مامانداندىرىلعان كۋرستار: AI-People Bootcamp ي AI Quest 1.0 جۇرگىزىلىپ جاتىر.
سونداي-اق ورتالىق ەۋرازيادا العاش رەت مەملەكەتتىك قىزمەتشىلەردى جي-مەن جۇمىس ىستەۋ داعدىلارىنا ۇيرەتەتىن AI Qyzmet باعدارلاماسى ىسكە قوسىلدى. ول جۇمىس پروتسەستەرىنە تسيفرلىق قۇرالداردى ەنگىزۋ ارقىلى مەملەكەتتىك قىزمەتتىڭ تيىمدىلىگىن ارتتىرۋعا باعىتتالعان.
«2024-2025 جىلدار جي سالاسىنداعى ماڭىزدى باستامالار كەزەڭى بولدى. 2029 جىلعا دەيىنگى تۇجىرىمداما بەكىتىلدى, جي جانە تسيفرلىق ترانسفورماتسيانى دامىتۋ ستراتەگياسى, سونداي-اق جاساندى ينتەللەكتى بويىنشا زاڭ جوباسى ازىرلەنىپ جاتىر», دەدى جاسلان ماديەۆ.
حالىقارالىق Alem.AI جاساندى ينتەللەكتى ورتالىعىن ىسكە قوسۋ جۇمىستارى جۇرگىزىلىپ جاتىر, بۇل مامانداردى دايارلاۋ جانە عىلىمي زەرتتەۋلەر الاڭى بولادى.
جاقىندا قازاق تىلىندەگى ەڭ ءىرى تىلدىك مودەل – AlemLLM بارشاعا قولجەتىمدى بولا ءتۇستى. ونى ستارتاپتار, ۋنيۆەرسيتەتتەر, كومپانيالار جانە حالىقارالىق پلاتفورمالار قولدانا الادى.
شىلدە ايىندا ورتالىق ازياداعى العاشقى alem.cloud سۋپەركومپيۋتەرلىك كلاستەرى ىسكە قوسىلدى. بۇل بيزنەس پەن زەرتتەۋشىلەرگە جي سالاسىنداعى شەشىمدەرىن ازىرلەۋ ءۇشىن قول جەتىمدى.
Aitu ۇلتتىق مەسسەندجەرى
ءوزىمىزدىڭ كوممۋنيكاتسيالىق پلاتفورمالارىمىزدى دامىتۋعا دا ەرەكشە كوڭىل ءبولىنىپ كەلەدى. Aitu ۇلتتىق مەسسەندجەرى مەملەكەتتىك تسيفرلىق پلاتفورما مارتەبەسىن الىپ جاتىر. وندا مەملەكەتتىك قىزمەتتەر ينتەگراتسيالانىپ, كيبەرقاۋىپسىزدىك جانە دەرەكتەردى قورعاۋ جونىندەگى شارالار جۇزەگە اسىرىلادى.
