قايعىلى جاعداي شاھارداعى شاعىناۋدانداردىڭ بىرىندە بولعان. الەۋمەتتىك جەلى قولدانۋشىلارىنىڭ ايتۋىنشا, كامەلەتكە تولماعان بالالاردىڭ اراسىندا جانجال بولىپ, ولاردىڭ ءبىرى سۋىق قارۋدى وقۋشىنىڭ كەۋدە تۇسىنا سۇعىپ جىبەرگەن. جەدەل جاردەم كەلگەنشە ءجاسوسپىرىم وقيعا ورنىندا جان تاپسىردى. ءبىلىم باسقارماسى اتالعان وقيعا وقۋ پروتسەسىنەن تىس ۋاقىتتا بولعانىن مالىمدەدى. توبەلەستىڭ نەدەن شىققانى ازىرگە بەلگىسىز. قازىر وبلىستىق پوليتسيا دەپارتامەنتى قىلمىستىق ءىس قوزعاپ, تەرگەۋ جۇرگىزىپ جاتىر.
«اتالعان دەرەككە قاتىستى قر قك-ءنىڭ 99-بابى «ادام ءولتىرۋ» بويىنشا قىلمىستىق ءىس قوزعالدى. جەدەل-ىزدەستىرۋ ءىس-شارالارى ناتيجەسىندە كامەلەتكە تولماعان كۇدىكتى ء«ىزىن سۋىتپاي» ۇستالىپ, ۋاقىتشا ۇستاۋ يزولياتورىنا قاماۋعا الىندى. قازىرگى ۋاقىتتا وقيعانىڭ ءمان-جايىن انىقتاۋعا باعىتتالعان كەشەندى جەدەل-تەرگەۋ ءىس-شارالارى جۇرگىزىلۋدە.تەرگەۋ مۇددەسىنە وراي, وزگە اقپارات جاريالانبايدى», – دەدى جامبىل وبلىستىق پوليتسيا دەپارتامەنتىنىڭ ءباسپاسوز حاتشىسى گۇلسارا مۇقتارقۇلوۆا.
