فوتو: اشىق دەرەككوز
اقمولا وبلىسىنىڭ پروكۋراتۋراسىنىڭ حابارلاۋىنشا, تەرگەۋ بارىسىندا ەلىمىزدىڭ ءار وڭىرىنەن 25 ادامنىڭ قىلمىستىق سحەماعا قاتىسى بار ەكەنى انىقتالعان. توپ قۇرامىندا قارجى نارىعىن رەتتەۋ جانە دامىتۋ اگەنتتىگىنىڭ ورتالىق اپپاراتىنىڭ قىزمەتكەرى جانە بىرنەشە بانكتەردىڭ – «Kaspi Bank», «Forte Bank», «ەۋرازيالىق بانك», «Jusan bank» قىزمەتكەرلەرى بولعان.
الاياقتىق ارەكەتتەر 5 جىلدان استام ۋاقىت بويى جاسالىپ كەلگەن. ناتيجەسىندە رەسپۋبليكا بويىنشا 348 ازامات جابىرلەنۋشى اتانىپ, كەلتىرىلگەن زالال كولەمى 3,7 ملرد تەڭگەنى قۇرادى.
«تەرگەۋ بارىسىندا قىلمىستىق جولمەن تابىلعان م ۇلىكتەر انىقتالدى: الماتى قالاسىنداعى پاتەرلەر مەن جەر تەلىمدەرى, قىمبات اۆتوكولىكتەر, ءىرى كولەمدەگى قولما-قول اقشا. تاركىلەنگەننىڭ جالپى قۇنى – 2,7 ملرد تەڭگە. توپتىڭ بارلىق قاتىسۋشىلارى ۇستالىپ, ۋاقىتشا ۇستاۋ يزولياتورىنا قامالدى. قازىرگى تاڭدا قىلمىستىق ءىس پروتسەسس قاتىسۋشىلارىنا تانىسۋعا بەرىلدى, تۇپكىلىكتى شەشىمدى سوت شىعارادى», دەلىنگەن حابارلامادا.
پروكۋراتۋرا ازاماتتاردى ساق بولۋعا شاقىرىپ, الاياقتارعا سەنبەۋ قاجەتتىگىن ەسكەرتتى.
