«كەلەشەك مەكتەپتەرى» ۇلتتىق جوباسى اياسىندا 2025 جىلعى 15 قاڭتاردا ەسىگىن ايقارا اشقان جاڭا مەكتەپ — بۇل جاي عانا ءبىلىم ورداسى ەمەس, بۇل بولاشاققا كوشباسشىلاردى تاربيەلەيتىن ورتالىق.
جوبالىق قۋاتتىلىعى 1200 وقۋشىعا ارنالعان بۇل مەكتەپ, بۇگىندە 1000-نان استام وقۋشى ءۇشىن ءبىلىم مەن ۇلتتىق قۇندىلىقتاردىڭ ۇيلەسىمى جاراسقان ورداعا اينالدى.
«كەلەشەك مەكتەپتەرى» جوباسىنىڭ زاماناۋي تەحنيكالىق جابدىقتالۋى ءححى عاسىردىڭ نەگىزگى داعدىلارىن: اناليتيكالىق ويلاۋمەن IT-قۇزىرەتتىلىكتەن باستاپ زەرتتەۋ جانە شىعارماشىلىق قابىلەتتەرگە دەيىن قالىپتاستىرۋعا جاعداي جاسايدى.
سالىنىپ جاتقان مەكتەپتەر زاماناۋي تالاپتارعا ساي ينتەراكتيۆتى جانە ءپان كابينەتتەرىمەن جابدىقتالعان, وقۋشىلاردىڭ جان-جاقتى دامۋىنا ىقپال ەتەتىن جارقىن ديزاينىمەن ەرەكشەلەنەدى.
بيولوگيا, فيزيكا, حيميا جانە ينفورماتيكا پاندىك كابينەتتەرىندە, STEM-زەرتحانادا بارلىعى وقۋشىلاردىڭ زەرتتەۋ قابىلەتتەرىن دامىتۋعا جانە ءبىلىم ساپاسىن ارتتىرۋعا باعىتتالعان.
مەكتەبىمىزدىڭ ەڭ باستى بايلىعى – جاڭا وقۋ جىلىنا تولىق دايىن 66 بىلىكتى پەداگوگ. ولاردىڭ ارقايسىسى وقۋشىلارعا ساپالى ءبىلىم بەرۋگە, ولاردىڭ بويىنداعى تالانتتى اشۋعا جانە جان-جاقتى دامۋىنا ۇلەس قوسۋعا دايىن.
مەكتەپتەگى بارلىق وقۋشىلار قوسىمشا ءبىلىم بەرۋمەن تولىق قامتىلعان. ولاردىڭ اراسىندا زاماناۋي روبوتوتەحنيكا ۇيىرمەسىنەن باستاپ, قازاق حالقىنىڭ سالت-ءداستۇرى مەن مادەنيەتىن تەرەڭ ۇعىنۋعا باعىتتالعان ەتنو-باعىتتاعى ساباقتارعا دەيىن بار.
جايلى كوۆوركينگ-ايماقتار, بەلسەندى جانە تىنىشتىقتا دەمالۋعا ارنالعان ورىندار, مەملەكەتتىك تىلدەگى كىتاپتاردىڭ ۇلكەن قورى بار زاماناۋي كىتاپحانا جانە ەكى سپورت زالى وقۋشىلاردىڭ جان-جاقتى دامۋىنا جاسالعان.
وقۋشىنىڭ بويىندا ۇلتتىق قۇندىلىقتاردى قالىپتاستىرۋعا, حالقىمىزدىڭ سالت-داستۇرلەرىنە, تىلىنە جانە مادەنيەتىنە دەگەن قۇرمەت پەن سۇيىسپەنشىلىكتى دارىتۋعا ەرەكشە كوڭىل بولىنەدى.
مەكتەپ – جاڭا زامان تالابىنا ساي سالىنعان ءبىلىم مەن تاربيە وشاعى, وندا ءار بالا ءوزىنىڭ دارا جولىن تاۋىپ, ەلىمىزدىڭ ەرتەڭىنە ۇلەس قوسا الادى.
قوستاناي وبلىسىندا «كەلەشەك مەكتەپتەرى» ۇلتتىق جوباسى اياسىندا 4500 وقۋشى ورنىنا ارنالعان 6 مەكتەپتىڭ قۇرىلىسى جۇرگىزىلۋدە.
بۇگىنگى كۇنى قوستاناي اۋدانىنىڭ زارەچنىي اۋىلىندا, ارقالىق قالاسىندا جانە وبلىس ورتالىعىنىڭ جاڭا, قارقىندى سالىنىپ جاتقان «اەروپورت» جانە «بەرەكە» شاعىن اۋداندارىندا جالپى 3300 ورىنعا ارنالعان مەملەكەتتىك تىلدە وقىتاتىن 4 مەكتەپ پايدالانۋعا بەرىلدى.
سونداي-اق وسى جىلى اۋليەكول اۋدانىنىڭ قۇسمۇرىن اۋىلىندا 300 ورىندىق جانە رۋدنىي قالاسىندا 900 ورىندىق مەكتەپتەردىڭ اشىلۋىن وقۋشىلار مەن ولاردىڭ اتا-انالارى اسىعا كۇتۋدە.
