فوتو: ۇكىمەتتىڭ ءباسپاسوز قىزمەتى
ۇلتتىق ەكونوميكا ۆيتسە-ءمينيسترى باۋىرجان وماربەكوۆتىڭ مالىمدەۋىنشە, جاڭا قۇجات حالىقتىڭ ءومىر ءسۇرۋ دەڭگەيىن ارتتىرۋعا جانە وڭىرلەردىڭ ەكونوميكالىق الەۋەتىن تولىق اشۋعا باعىتتالعان. تۇجىرىمدامادا نەگىزگى دامۋ باعدارلارى رەتىندە اگلومەراتسيالار, مونوقالالار, تىرەك اۋىلدار جانە جاڭا الاتاۋ قالاسى ايقىندالعان.
سونىمەن قاتار الەۋمەتتىك, ينجەنەرلىك جانە كولىك ينفراقۇرىلىمىنا قولجەتىمدىلىكتەگى ايىرماشىلىقتاردى ازايتۋعا باسا نازار اۋدارىلعان.
«بۇگىندە وڭىرلىك ستاندارتتار جۇيەسىنە سايكەس, ەلدى مەكەندەردىڭ قامتاماسىز ەتىلۋ دەڭگەيى 64%-دى قۇرادى. ال 2028 جىلعا قاراي 70%-عا دەيىن ءوسۋ بولجانۋدا. بۇدان بولەك, 2030 جىلعا قاراي ەلدەگى جالپى ىشكى ونىمدە شاعىن جانە ورتا بيزنەستىڭ قوساتىن ۇلەسى 40%-عا دەيىن جەتپەك», دەدى ۆيتسە-مينيستر باۋىرجان وماربەكوۆ.
