گۇلدەنسە اۋىل – گۇلدەنەمىز ءبارىمىز

بۇرىنعى جاڭاسەمەي اۋدانى­نا قاراستى زنامەنكا اۋىلى ءبۇ­گىندە سەمەي قالاسىنىڭ قۇرامىن­دا. شامنىڭ جارىعى تۇبىنە تۇسپەيدى دەمەكشى, كۇنى كەشەگە دەيىن بۇل اۋىلدىڭ جاداپ-جۇدەپ كەلگەنى وتىرىك ەمەس. ايتەۋىر, ابىروي بولعاندا اۋىل تىزگىنى مەل­لات دۇيسەنباەۆ سىندى ءومىر كورگەن ىسكەر باسشىنىڭ قولىنا تيگەن سوڭ مۇنداعى جاعداي ءبىر­تىندەپ وڭالا باستاعان. اۋىل تۇرعىندارى  ەسەپ بەرۋ جيىنىندا قالا اكىمىنىڭ الدىنا زنامەنكا ەلدى مەكەنىندە رەسپۋب­ليكالىق تەلەارنالاردىڭ كور­سە­تىلۋىنە, دارىگەرلىك امبۋلاتوريا جانىنان كۇندىزگى ستاتسيوناردىڭ اشىلۋىنا جانە امبۋلاتوريانى “جەدەل جاردەم” كولىگىمەن قامتا­ماسىز ەتۋگە ءوتىنىش جاساسا, بۇگىنگى كۇنى سونىڭ ءبارى دۇرىس شەشىمىن تاۋىپتى. مۇندا بيىلعى جىلى سونداي يگى جاڭالىقتار زاڭدى تۇردە جال­عاسىن تاۋىپ جاتقانى سۇيسىنتەدى. ايتالىق,  جىل باسىنان اۋىل كلۋ­بى جۇمىس ىستەي باستاپتى. وندا دومبىرا, بي ۇيىرمەسى, قۋىرشاق تەاترى جۇمىس ىستەپ تۇرعان كورىنەدى. مۇنىڭ سىرتىندا كلۋب ءتۇرلى مادەني شارالاردى دا كوپتەپ وتكىزۋگە مۇرىندىق بولىپ كەلەدى دەيدى اۋىل اكىمى. كلۋب باسشىسى ارداق ومىرزاقوۆتىڭ تەك مادەني شارالارمەن شەكتەل­مەي, بيىلعى جىلى كلۋب ىشىنەن بالالاردىڭ جازعى دەمالىس لا­گەرىن اشۋى دا قۇپتارلىق ءىس دەپ بىلەمىز. بالالار دەمەكشى, اۋىل اكىمى­نىڭ باستاماسىمەن جۋىردا اتالىپ وتىلگەن بالالاردى قورعاۋدىڭ حالىقارالىق كۇنى مەرەكەسىندە اۋىلدا “بالالار باعى” اشىلىپ­تى. باقتا ءتۇرلى ويىن قوندىر­عى­لارى كوپتەپ ورناتىلىپ, جاس ۇر­پاقتىڭ مۇندا الاڭسىز دەمالۋىنا قولايلى جاعداي جاسالعان. ەندى مۇندا سۋبۇرقاققا دەيىن جۇمىس ىستە­مەك. وسى ورايدا اكىمنىڭ جەر­گىلىكتى كاسىپكەرلەرگە العىسى شەكسىز. شىندىعىندا بۇل ءبىلىم وردا­سىنىڭ تەك ءبىلىم بەرۋ ىسىمەن شەكتەلمەي, اۋىلدىڭ الەۋمەتتىك ماسەلەلەرىنىڭ شەشىمىنە زور بەل­سەندىلىكپەن قاتىسىپ كەلە جات­قا­نىن جەرگىلىكتى تۇرعىنداردان دا ەستىپ, بىلدىك. ماسەلەن, اۋىل كىتاپحاناسى دا, بالالاردىڭ شاعىن باقشاسى دا وسىندا ورىن تەپكەن. مەكتەپتە اۋىل مۇرا­جايى­نىڭ دا جۇمىس ىستەي باس­تا­عانىنا كوپ بولماپتى. سولاي بولا تۇرعانمەن, ونداعى ءجادى­گەر­لەر مەن اۋىل, مەكتەپ تاريحىنان سىر شەرتەتىن دەرەكتەر جەتكىلىكتى. سونىڭ ءبىرىن عانا ايتساق, جەڭىستىڭ بيىلعى 65 جىلدىعىنا وراي وسى وڭىردەن مايدانعا اتتانعان بوزداقتار تۋرالى قۇندى قۇجاتتار مەن سيرەك سۋرەتتەر دە وسىندا جيناقتالعان. الەۋمەتتىك جاعىنان گۇلدەنە ءتۇ­سىپ كەلە جاتقان زنامەنكا اۋى­لىنىڭ ەكونوميكالىق جاعىنان دا ساۋىعىپ, بەرەكەلى وڭىرگە اينالاتىندىعىنا ەش كۇمان جوق. داۋلەت سەيسەن ۇلى. شىعىس قازاقستان وبلىسى.