ماقسات – عىلىمي يننوۆاتسيانى ەنگىزۋ

بۇگىندە ەلىمىزدە ءبىلىم بەرۋ سالاسىن تۇبەگەيلى جاڭعىرتۋ ۇدەرىسى جۇرۋدە. ونىڭ جاڭا ءورىسى مەن ارناسى جوعارى تەحنولوگيالىق جۇيەلەر – مۋلتيمەديالىق ۇتقىرلىق, نانو جانە عارىشتىق تۇرعىداعى ءىلىم-ءبىلىمدى تەرەڭدەتە تۇسۋدەن تامىر تارتادى. روبوتتى تەحنيكالاردى ەنگىزۋ مەن بولاشاق ەنەرگياسىن ءوندىرۋ جونىندەگى XXI عاسىر تالاپتارى دا وسى قاتاردا تۇر. ارينە, بۇل ءۇشىن, ەڭ الدىمەن, بىلىكتى دە ءبىلىمدى ماماندار ازىرلەۋ قاجەتتىگى تۋىندايدى. وسى ورايدا ەلىمىزدىڭ جوعا­رى تەحنيكالىق مەكتەپتەرىنە جۇكتەلگەن جاۋاپكەرشىلىك جو­عارى. ياعني, ونىڭ تۇلەكتەرى جوعارىدا اتالعان كەڭ اۋقىم­دى باعدارلامالاردىڭ بايى­بىنا بارا الماسا, باسەكە­گە قابىلەتتىلىك تۋرالى ءسوز قوز­عاۋدىڭ ءوزى ارتىق. بۇل ماسەلەنى ەۋرازيالىق ەكونوميكالىق كەڭىستىك شەڭبەرىندە دە ۇتىمدى شەشۋگە بولاتىندىعىن كاز­يتۋ عىلىم-ءبىلىم كەشەنى ۇيىت­قى بولىپ جۇرگەن ينتەگرا­تسيالىق باستامالاردان بايقاي الامىز. اتالعان كەشەن بازاسىندا ەۋرازيالىق ەكونوميكالىق كەڭىستىك شەڭبەرىندەگى ماسە­لەلەر بيىلعى جىلى شوقتىعى بيىك ناقتى ءىس-شارالار تۇرعى­سىنان كورىنىس تابا باستادى. مىسالى, مۇندا بيىلعى جى­لى «عىلىم. ءبىلىم. تاجىريبە» تاقى­رىبىندا قازاقستان مەن رەسەيدىڭ ىرگەلى جانە قولدان­بالى عىلىمىنىڭ بەلدى وكىل­دەرى باس قوسىپ, كورشى مەملە­كەتتەردەگى ءبىلىم بەرۋ سالاسىن جاڭعىرتۋ ماسەلەلەرىن عىلىمي تۇرعىدان سارالاپ بەردى. اسىرەسە, عىلىم مەن بىلىمگە يننوۆاتسيانى ەنگىزۋدىڭ وزەكتى جايتتارى جونىندە تىڭ, سونى وي-پىكىرلەر ايتىلدى. قالاي دەگەندە دە, ينتە­گرا­تسيالىق بايلانىستاردى بايىتۋ ماقساتىن كوزدەيتىن باس­قوسۋلاردىڭ ءمانى زور دەمەكپىز. اسىرەسە, الەمدە بولىپ جاتقان الەۋمەتتىك-ەكونوميكالىق تۇ­راقسىزدىق جاعدايىندا ونىڭ ءرولى مەن تيگىزەر ىقپالى جوعارى بولماق. مۇنداي سىني كەزەڭدە ەلدەر اراسىنداعى قارىم-قاتىناستى نىعايتۋ, سونىمەن بىرگە, شەكارا مەن ۇلتتىق قاۋىپسىزدىككە قاجەتتى فاكتورلاردى جاساقتاي ءبىلۋدىڭ دە ورنى بولەك. – قازاقستان, رەسەي جانە بەلارۋس مەملەكەتتەرى جوعا­رى وقۋ ورىندارى مەن عىلىمي مەكەمەلەر اراسىن­داعى ينتەگراتسيالىق ءۇردىس­تەردى وڭ جولعا قويۋ وسىنداي يگى ماقساتتان باستاۋ الا­دى. رەسەيلىك عالىمدار اكادە­ميالىق ورالىمدىلىق شەڭ­بەرىندە ءبىزدىڭ كەشەننىڭ ماگيسترانتتارى مەن ستۋدەنتتەرى ءۇشىن دارىستەر وقىدى, – دەدى وسى ماقالانى گازەتكە ازىرلەۋ بارىسىندا كازيتۋ عىلىم-ءبىلىم كەشەنىنىڭ پرەزيدەنتى, تەحنيكا عىلىمدارىنىڭ كانديداتى اقسەرىك ءايتىموۆ. ءتۇيىپ ايتقاندا, ورال قالاسىندا داستۇرگە اينالعان ينتەگراتسيالىق باسقوسۋلار قولداۋعا دا, قۇپتاۋعا دا ابدەن تۇرارلىقتاي وڭ باستاما دەپ سانايمىز. بۇل ءۇردىس وڭىردەگى عىلىم مەن ءبىلىم سالاسىن ودان ءارى وركەندەتۋگە ءوز ۇلەسىن قوساتىنىنا سەنىم مول. تەمىر قۇسايىن, «ەگەمەن قازاقستان». ورال. سۋرەتتە: ينتەگراتسيالىق باسقوسۋدان كورىنىس.