ەل باسىنا كۇن تۋعاندا قانشاما بوزداق قالامىن قارۋعا ايىرباستاپ قان مايدانعا اتتاندى... قانشاما قىرشىن جاس وتان ءۇشىن مايدان دالاسىندا وپات بولدى, جاۋىن جەڭگەندەرى ەلگە امان ورالدى. ۇلى وتان سوعىسىنىڭ تاريحىندا «سوتسياليستىك قازاقستان» («ەگەمەن قازاقستان») گازەتىنىڭ مايدانگەر جۋرناليستەرىنىڭ ەسىمدەرى دە «التىن ارىپپەن» جازىلعان.
كەشە گازەتتىڭ الماتى قالاسىندا تۇراتىن مايدانداعى جانە تىلداعى ارداگەرلەرىنە رەداكتسيا تارپىنان ارنايى قۇرمەت كورسەتىلدى. ماراپات العانداردىڭ ىشىندە بەلگىلى جازۋشى-جۋرناليست قالمۇقان يساباەۆ, بيسۇلتان امانعاليەۆ جانە بوستاندىق اۋداندىق ارداگەرلەر كەڭەسىنىڭ توراعاسى, تىل ارداگەرى حاميت ءبىرجانوۆ بار. ءار جىلدار بەدەرىندەگى «سوتسياليستىك قازاقستاننىڭ» سارعايعان بەتتەرىندە قولتاڭبالارى قالعان ارداقتى ارداگەرلەر رەداكتسيامەن ەشقاشان دا بايلانىسىن ۇزگەن ەمەس. ەلىمىزدىڭ باس گازەتى «ەگەمەننىڭ» بۇگىنگى تىنىس-ءتىرشىلىگىنەن حاباردار, زامانا ۇندەسۋلەرىنەن قۇلاعدار بولىپ وتىرادى.
بوستاندىق اۋدانىنىڭ اكىمدىگىندە وتكەن ارداگەر-جۋرناليستەردى ماراپاتتاۋ ءراسىمىندە باسىلىمنىڭ الماتى ءبولىمشەسىنىڭ جەتەكشىسى قورعانبەك امانجول استاناداعى رەداكتسيا باسشىلىعىنىڭ اتىنان قۇتتىقتاۋ حات وقىپ, گازەت ارداگەرلەرىنە گۇل شوقتارى مەن اقشالاي سىياقى تابىس ەتتى. قارت قالامگەرلەرگە ۇزاق تا باقىتتى عۇمىر تىلەدى. سونداي-اق, اۋدان اكىمىنىڭ ورىنباسارى س.ءمانىزوروۆ ارداگەرلەردى ايتۋلى مەرەكەمەن قۇتتىقتادى.
ءوز كەزەگىندە مايدانگەرلەر دە باس باسىلىمعا سىي-قۇرمەتى ءۇشىن العىس ايتتى.
تالعات ءسۇيىنباي, «ەگەمەن قازاقستان».
سۋرەتتى تۇسىرگەن ايتجان مۇرزانوۆ.
الماتى.
