داڭق تاقتاسى

ۇلى جەڭىستىڭ 70 جىلدىعى قارساڭىندا وڭتۇستىك قازاقستان وبلىستىق سوتى عيماراتىنىڭ الدىندا وبلىستىق سوتتىڭ توراعاسى نۇرسەرىك ءشارىپوۆتىڭ باستاماسىمەن ۇلى وتان سوعىسى ارداگەرلەرىنە ارنالىپ ورناتىلعان داڭق تاقتاسى اشىلدى. مەموريالدى تاقتانىڭ اشىلۋ راسىمىنە ارداگەر-سۋديالار, ۇوس ارداگەرلەرىنىڭ تۋىستارى مەن وبلىستىق سوتتىڭ سۋديالارى جانە باق وكىلدەرى قاتىستى. داڭق تاقتاسىندا وڭتۇستىك قازاقستان وبلىسىنان ۇلى وتان سوعىسىنا قاتىسىپ, سوعىستان امان-ەسەن ورالعان سوڭ, وبلىس­­تىڭ سوتتارىندا سۋديا جانە ءتور­­اعا بولىپ قىزمەت ەتكەن 24 اردا­­گەر-سۋديانىڭ ەسىمدەرى جازىلعان. وبلىستىق سوتتىڭ ۇجىمى جىل سايىن سوعىس ارداگەرلەرىنە سىي-قۇرمەت كورسەتىپ, ولاردىڭ ەسىمدەرىن ماڭگى ەستە ساقتاۋعا باعىتتالعان ءتۇرلى ءىس-شارالار وتكىزىپ تۇرادى. مىسالى, 2014 جىلى وبلىستىق سوتتىڭ باستاماسىمەن ۇلى وتان سوعىسىنىڭ ارداگەرى, اتىراۋ, وڭتۇستىك قازاقستان وبلىستىق سوتتارىن ۇزاق جىلدار باسقارعان وبلىستىڭ قۇرمەتتى ازاماتى, زاڭگەر-جازۋشى نىعمەت تولەندى ۇلىنىڭ بۇرىن­­­­عى تۇرعان ۇيىنە مەموريالدى تاقتا ورناتىلدى جانە شىمكەنت قالاسىنىڭ ءبىر كوشەسىنە ونىڭ ەسىمى بەرىلدى. بيىل بارلىق اۋداندىق جانە وعان تەڭەستىرىلگەن سوتتاردا ارداگەرلەرگە ارنالعان «ارداگەرىم – ارداعىم» تاقىرى­بىمەن ءىس-شارالار وتكىزىلىپ, ولارعا ماتەريالدىق كومەك كورسەتىلدى. سونىمەن قاتار, ورداباسى, سارىاعاش, ماقتاارال اۋداندىق سوتتارىندا ۇلى وتان سوعىسىنىڭ جانە تىل ارداگەرلەرىمەن كەزدەسۋلەر ۇيىمداستىرىلدى. وسىنداي اۋقىمدى ءىس-شارانىڭ ءبىرى داڭق تاقتاسىنىڭ اشىلۋى. اشىلۋ ءراسىمىنىڭ سوڭىندا ن.ءشارىپوۆ سوت جۇيەسىنىڭ ار­دا­گەرلەرى ا.بەكنازاروۆقا, ب.تۇر­عاراەۆقا, ا.ەفستافەۆاعا, ت.بال­­كەنگە, ۆ.يۋزكوۆقا جانە ن.پاۆ­لوۆاعا قازاقستان رەسپۋب­لي­كا­سى جوعارعى سوتىنىڭ «سوت جۇيە­سى­نىڭ ارداگەرى» مەدالىن تاپسىردى. ءىس-شارا سوڭىندا ارداگەرلەر داستارقانعا شاقىرىلىپ, ومىردەن وزعان سوعىس ارداگەرلەرىنە قۇران باعىشتالدى. ق.دۇيسەنبي, وڭتۇستىك قازاقستان وبلىستىق سوتىنىڭ قىزمەتكەرى.