ەكونوميكا • 18 تامىز, 2025

ينتەرپول كومەگىمەن شەتەلگە شىعارىلعان اكتيۆتەر ىزدەستىرىلەدى

80 رەت

كورسەتىلدى

1 مين

وقۋ ءۇشىن

ەلىمىز ەندى شەتەل اسقان زاڭسىز اكتيۆتەردى ىزدەۋدە جاڭا قۇرالدى پايدالانا باستادى, دەپ جازادى Egemen.kz.

ابزال ماقاش

ينتەرپول كومەگىمەن شەتەلگە شىعارىلعان اكتيۆتەر ىزدەستىرىلەدى

باس پروكۋراتۋرانىڭ مالىمەتىنشە, ينتەرپولدىڭ كومەگىمەن اكتيۆتەردى ىزدەۋ جانە قايتارۋدىڭ جاڭا تەتىگى ەنگىزىلىپ, ەلىمىزگە العاشقى «كۇمىس حابارلاما» جولدانعان.

بۇل حابارلامانىڭ ءمانى زور. تەك ادامدى ەمەس, زاڭسىز شىعارىلعان قاراجات پەن م ۇلىكتى دە حالىقارالىق دەڭگەيدە ىزدەستىرە الادى.

«اتالعان قۇرال ينتەرپول تىزىمىندەگى 196 مەملەكەت اراسىندا زاڭسىز يەمدەنگەن اكتيۆتەر جايلى اقپارات الماسۋعا مۇمكىندىك بەرەدى. ول جىلجىمايتىن م ۇلىك پەن قارجى اينالىمى تۋرالى دەرەكتەردى باقىلاۋعا جول اشادى», دەلىنگەن باس پروكۋراتۋرا حابارلاماسىندا.

بۇعان دەيىن ينتەرپول نەگىزىنەن قىلمىسكەرلەردى, ياعني ىزدەۋدە جۇرگەن تۇلعالاردى تىركەۋمەن شەكتەلسە, ەندى بۇل مەحانيزم اكتيۆتەرگە دە قولدانىلادى. ياعني, قاشىپ كەتكەن قارجىنى, جاسىرىلعان م ۇلىكتى, وفشورداعى قاراجاتتى باقىلاۋعا الۋعا بولادى.

قازاقستانداعى اكتيۆتەردى قايتارۋ كوميتەتى بۇل پيلوتتىق جوباعا وتكەن جىلى قوسىلىپ, ينتەرپولدىڭ ارنايى جۇمىس توبىنا مۇشە بولعان. قازىر توپ قۇرامىندا ۇلىبريتانيا, يسپانيا, يتاليا, كاتار, قىتاي, كۋۆەيت, نيدەرلاندى, پولشا, پورتۋگاليا, رەسەي, سينگاپۋر, اقش, فرانتسيا, شۆەتسيا سىندى 50 ەل بار.

ەسكە سالساق, 2022 جىلدان بەرى قازاقستان زاڭسىز شىعارىلعان اكتيۆتەردى قايتارۋ ءىسىن قولعا العان. ءۇش جىلدىڭ ىشىندە مەملەكەتكە 1 ترلن 130 ملرد تەڭگەدەن استام قارجى مەن م ۇلىك قايتارىلدى. قاراجاتتىڭ باسىم بولىگى ءباا, تۇركيا, اۆستريا مەن ليحتەنشتەيننەن جەتكىزىلگەن.