حالىقارالىق تۋرنير 20–28 تامىز ارالىعىندا جاقسىلىق ۇشكەمپىروۆ اتىنداعى جەكپە-جەك سارايىندا وتەدى. بۇل جولى ەل نامىسىن 10 سپورتشى قورعايدى.
ايتا كەتەيىك, جارىسقا 12 ەلدەن 60-قا جۋىق سپورتشى قاتىسادى. باعدارلامادا جەكەلەي, جۇپتىق جانە كوماندالىق سايىستار قاراستىرىلعان.
بۇل تۋرنير — 2028 جىلعى لوس-اندجەلەس پاراليمپياداسىنا ىرىكتەۋ كەزەڭى ءارى سپورتشىلار ءۇشىن رەيتينگتىك ۇپاي جيناۋعا مۇمكىندىك بەرەتىن ماڭىزدى جارىس.
بوچچا ەلىمىزدە 2018 جىلى تىرەك-قيمىل جۇيەسى بۇزىلعان بالالاردىڭ اتا-انالارىنىڭ باستاماسىمەن دامي باستادى. 2021 جىلى ۇلتتىق بوچچا فەدەراتسياسى قۇرىلىپ, سپورت رەسمي دەڭگەيگە كوتەرىلدى.
