تەحنولوگيا • 13 تامىز, 2025

ينتەرنەت ارقىلى تابىس تاباتىندارعا تىقىر تاياندى

100 رەت

كورسەتىلدى

1 مين

وقۋ ءۇشىن

ەلىمىزدە YouTube, TikTok جانە باسقا دا ينتەرنەت-پلاتفورمالاردان تابىس تاباتىن ازاماتتارعا قاتىستى جاڭا تالاپ كۇشىنە ەنەدى. مەملەكەتتىك كىرىستەر كوميتەتىنىڭ مالىمەتىنشە, 2026 جىلدان باستاپ مۇنداي كىرىس رەسمي تۇردە باقىلاۋعا الىنادى, دەپ جازادى Egemen.kz.

ابزال ماقاش

ينتەرنەت ارقىلى تابىس تاباتىندارعا تىقىر تاياندى

فوتو: اشىق دەرەككوزدەن

جاڭا سالىق كودەكسىنە ساي, شەتەلدىك جانە وتاندىق ونلاين-پلاتفورمالار ءوز پايدالانۋشىلارى تۋرالى دەرەكتەردى اي سايىن ۋاكىلەتتى ورگاندارعا جولداۋعا مىندەتتەلەدى. بۇل اقپاراتتا ساتۋشىنىڭ اتى-ءجونى, كليەنتتەر ءتىزىمى, مامىلە سوماسى جانە باسقا دا ماڭىزدى مالىمەتتەر كورسەتىلەدى.

مىسالى, وتاندىق اۆتور YouTube-تاعى بەينەروليكتەن نەمەسە TikTok-تاعى جارنامادان تابىس تاپسا, تولەم تۋرالى دەرەك تىكەلەي سالىق ورگاندارىنا تۇسەدى. شەتەلدىك پلاتفورمالار دا وتانداستارىمىزعا تولەنگەن قارجىنى اشىق كورسەتۋگە ءتيىس.

جۇيە ىسكە قوسىلعاننان كەيىن ينتەرنەت ارقىلى تابىس تاباتىندار كىرىسىن جاسىرماي, سالىقتى ۋاقتىلى تولەۋى قاجەت بولادى. مەملەكەتتىك كىرىستەر كوميتەتى بۇل شارا سالىق تولەۋ مادەنيەتىن قالىپتاستىرۋعا جانە «كولەڭكەلى» ونلاين تابىستى ازايتۋعا باعىتتالعانىن ايتىپ وتىر.