بىلتىر مەديتسينا ماماندارىنىڭ قۇقىعىن قورعايتىن زاڭ قابىلدانسا, بيىلدان باستاپ ستاتسيونارلاردا پوليتسيا بەكەتتەرى ورناتىلىپ جاتىر. بۇگىندە قاۋىپسىزدىكتى قامتاماسىز ەتۋ ءۇشىن ستاتسيونارلاردا 152 پوليتسيا بەكەتى اشىلىپ قويعان. مەديتسينالىق ۇيىمداردا تاۋلىك بويى جۇمىس ىستەيتىن پوليتسيا بەكەتتەرىنىڭ جۇمىسىن دەنساۋلىق ساقتاۋ مينيسترلىگى اۋماقتىق پوليتسيا دەپارتامەنتتەرىمەن بىرلەسىپ قامتاماسىز ەتىپ وتىر.
قازىر قالالىق ستاتسيونارلاردا – 30, وبلىستىق ستاتسيونارلاردا – 10, بالالار ستاتسيونارلارىندا –12, پەريناتالدىق ورتالىقتاردا – 5, اۋداندىق ورتالىق اۋرۋحانالاردا – 48, اۋداندىق اۋرۋحانالاردا – 23 پوست بار. وسىلايشا, پوليتسيا قىزمەتكەرلەرى ستاتسيونارداعى كەز كەلگەن وقىس وقيعادا جەدەل ارەكەت ەتەدى. شيەلەنىستەردىڭ الدىن الىپ, مەديتسينا قىزمەتكەرلەرىمەن قوسا پاتسيەنتتەردىڭ دە قاۋىپسىزدىگىن قامتاماسىز ەتۋگە مۇمكىندىك بەرەدى.
