«قۇرمەتتى جەرلەستەر!
سىزدەردى ۇلى اقىن, كەمەڭگەر ويشىل, حالقىمىزدىڭ رۋحاني شامشىراعى — اباي قۇنانباي ۇلىنىڭ 180 جىلدىق مەرەيتويىمەن شىن جۇرەكتەن قۇتتىقتايمىن!
اباي – قازاق ۇلتىنىڭ ار-وجدانى, ءسوز ونەرىنىڭ شىڭى, ادامگەرشىلىك پەن پاراساتتىلىقتىڭ سيمۆولى. ونىڭ مۇراسى – ماڭگىلىك. ابايدىڭ ءاربىر ولەڭى مەن قارا ءسوزى – ۇلتتى ۇيىستىراتىن, ادامزاتتى بيىك ماقساتتارعا جەتەلەيتىن رۋحاني قازىنا.
بۇگىنگى ۇرپاق اباي ىلىمىنەن ونەگە الىپ, ونىڭ رۋحاني مۇراسىن جاڭعىرتۋ ارقىلى ەلدىك سانانى كۇشەيتىپ كەلەدى. بۇل – ابايعا دەگەن شىنايى قۇرمەتتىڭ بەلگىسى.
وسى ايتۋلى كۇندە بارشاڭىزعا دەنساۋلىق, بەرەكە, تاتۋلىق جانە اباي اماناتىنا ادالدىق تىلەيمىن. ۇلى ابايدىڭ ءسوزى – جۇرەگىمىزدە, رۋحى – حالقىمەن بىرگە ماڭگى جاسايدى!», – دەلىنگەن قۇتتىقتاۋدا.
