«پاۆلودار» ارنايى ەكونوميكالىق ايماعى قۇرىلعان ساتتەن باستاپ مۇنداعى كاسىورىندار 407,2 ملرد تەڭگەدەن استام سوماعا ءونىم شىعارىپ, 1705 تۇراقتى جۇمىس ورنى قۇرىلعان. ال تارتىلعان ينۆەستيتسيالاردىڭ جالپى كولەمى 184,6 ملرد تەڭگەدەن اسقان.
- ەكونوميكالىق ايماقتىڭ نەگىزگى مىندەتتەرىنىڭ ءبىرى - وتاندىق جانە شەتەلدىك ينۆەستورلار ءۇشىن قولايلى جانە ينۆەستيتسيالىق-تارتىمدى كليماتتى قالىپتاستىرۋ. بۇل باعىتتا قاجەتتى ينجەنەرلىك ينفراقۇرىلىمدى دامىتۋ بويىنشا جۇيەلى جۇمىستار جۇرگىزىلىپ جاتىر. بۇگىنگى تاڭدا ونىڭ دايىندىعى 65,8%-دى قۇرايدى. ينفراقۇرىلىممەن تولىق قامتاماسىز ەتۋ ءۇشىن جالپى قۇنى شامامەن 19 ملرد تەڭگەنى قۇرايتىن ءۇش ءىرى جوبانى ىسكە اسىرۋ قاجەت. اتاپ ايتقاندا 4,7 كم اۆتوجول, ۇزىندىعى 2,7 كم تەمىر جول تارماعىنىڭ ەكىنشى كەزەگىن سالۋ جانە ەلەكترمەن جابدىقتاۋ قۋاتىن 40 مۆت-قا ۇلعايتۋ. بۇل جوبالاردى ىسكە اسىرۋ اەا وندىرىستىك الەۋەتىنىڭ ودان ءارى ءوسۋىن جانە جاڭا رەزيدەنتتەر ءۇشىن ايماقتىڭ تارتىمدىلىعىن قامتاماسىز ەتۋگە مۇمكىندىك بەرەدى,-دەپ حابارلادى وبلىس اكىمىنىڭ ءباسپاسوز قىزمەتىنەن.
قازىرگى ۋاقىتتا رەسپۋبليكالىق بيۋدجەت قاراجاتى ەسەبىنەن ينفراقۇرىلىمدىق جوبالاردى قارجىلاندىرۋ راسىمدەرىن جىلدامداتۋ كوزدەلىپ وتىر. سونداي-اق جەرگىلىكتى بيۋدجەت تاراپىنان قوسىمشا قارجىلاندىرۋ قاراستىرىلۋى مۇمكىن.
پاۆلودار وبلىسى
