فوتو: ەڭبەك جانە حالىقتى الەۋمەتتىك قورعاۋ مينيسترلىگى
2024 جىلى 96,9 مىڭنان استام ءوتىنىم سىرتتاي فورماتتا قارالعان, بۇل – كۋالاندىرۋدان وتكەن مۇگەدەكتىگى بار جانداردىڭ جالپى سانىنىڭ 37,4 پايىزى.
ەڭبەك جانە حالىقتى الەۋمەتتىك قورعاۋ مينيسترلىگى ەكى ۆەدومستۆومەن اتاپ ايتقاندا دەنساۋلىق ساقتاۋ مەن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىمەن بىرلەسىپ, بارلىق 20 وڭىردە پيلوتتىق رەجيمدە مەديتسينالىق-الەۋمەتتىك ساراپتاما ء(ماس) جۇرگىزۋدىڭ سىرتتاي فورماتى بويىنشا جوبانى ىسكە اسىرىپ جاتىر.
سالا مينيسترلىگىنىڭ مالىمەتىنشە مۇگەدەكتىك توبىن بەلگىلەۋ جونىندەگى قىزمەتتى الۋ ءۇشىن ءوتىنىش بەرۋشىگە تۇرعىلىقتى جەرى بويىنشا ەمحاناعا جۇگىنۋ جانە قاجەتتى تەكسەرۋدەن ءوتۋ قاجەت, قالعان پروتسەستەر اقپاراتتىق جۇيەلەردى ينتەگراتسيالاۋ ەسەبىنەن ونىڭ قاتىسۋىنسىز وتەدى.
سىرتتاي كۋالاندىرۋعا كوشۋ: اكىمشىلىك جانە بيۋروكراتيالىق كەدەرگىلەردى جويادى; ءماس ساراپتامالىق شەشىمدەرىنىڭ اشىقتىعىن قامتاماسىز ەتەدى; مۇگەدەكتىكتى بەلگىلەۋ جانە مۇگەدەكتىگى بار ادامداردى الەۋمەتتىك قورعاۋ شارالارىن انىقتاۋ بويىنشا قىزمەتتەردى ۇيدەن شىقپاي-اق الۋعا مۇمكىندىك بەرەدى; كورسەتىلەتىن قىزمەتتى الۋشىنىڭ كورسەتىلەتىن قىزمەتتى بەرۋشىمەن تىكەلەي بايلانىسىن بولدىرمايدى, سول ارقىلى سىبايلاس جەمقورلىق تاۋەكەلدەرىن ازايتادى.
