قونىس توي يەلەرىن ارنايى قۇتتىقتاي بارعان ءوڭىر باسشىسى ەربول قاراشوكەەۆ, جاڭا پاتەر يەلەرىنى ىزگى تىلەگىن ءبىلدىرىپ, كىلت تابىستاۋ ءىس-شاراسىنا قاتىستى.
رەسمي دەرەككە جۇگىنسەك, جاڭا تۇرعىن ءۇيدىڭ قۇرىلىس جۇمىسى وتكەن جىلى باستالعان. باس مەردىگەر «بينوم» جشس قولعا العان جۇمىس وسى جىلى اياقتالىپ, 5 قاباتتى تۇرعىن ءۇي يەلەرىن تاپتى.
ء«بىز پاتەر كەزەگىندە تۇرعان ازاماتتار سانىن ازايتۋ ماقساتىندا جىل سايىن تۇرعىن ءۇي قۇرىلىسىنىڭ كولەمىن ۇلعايتىپ جاتىرمىز. اۋدان تۇرعىندارىن باسپانامەن قامتۋ ماقساتىندا اۋدان باسشىسىنا ناقتى مىندەتتەر جۇكتەلگەن. جاڭا پاتەردىڭ بوساعاسىن اتتاعان ءاربىر وتباسىن شىن جۇرەكتەن قۇتتىقتايمىن», دەدى وبلىس باسشىسى ءىس-شارادا سويلەگەن سوزىندە.
جىلدار بويى پاتەر كەزەگىندە تۇرعان كوپبالالى وتباسى از ەمەس. سولاردىڭ ءبىرى روزا كەرىمباەۆا بۇگىن باسپاناعا يە بولىپ, قۋانىشىمەن ءبولىستى.
«ۇزاق جىل كۇتكەن ارمانىمىز ورىندالدى. سول ءۇشىن دە بيلىك باسىنداعى ازاماتتارعا ايتار العىسىمىز شەكسىز. ءاربىر وتباسىندا وسىنداي قۋانىش بولسىن. جاڭا پاتەر الۋىمىزعا مۇرىندىق بولعان ازاماتتاردىڭ بارىنە العىسىم شەكسىز», دەيدى ول.
