فوتو: silkwaytv.kz
العاشقى ونلاين-كەزەڭ 31 تامىزعا دەيىن جالعاسادى. قاتىسۋ ءۇشىن sanaq.gov.kz سايتىندا ەتسق, SMS-كود نەمەسە eGovMobile قوسىمشاسىنداعى QR-كود ارقىلى جۇيەگە كىرۋگە بولادى.
سايتتا ەكى ءتۇرلى ساۋالناما ورنالاستىرىلعان. بىرەۋى – اگروكاسىپورىندارعا, ەكىنشىسى – باۋ-باقشاسى بار نە مال ۇستايتىن ءۇي شارۋاشىلىقتارىنا ارنالعان. سۇراقتار اۋىل شارۋاشىلىعى قىزمەتىنىڭ بارلىق تۇسىن: جەر مەن تەحنيكانى پايدالانۋ, ەڭبەك رەسۋرستارى, اۋىل شارۋاشىلىق ءونىمىن وتكىزۋدى قامتيدى.
sanaq.gov.kz سايتىندا ساۋالنامانى قالاي تولتىرۋ كەرەكتىگى تۋرالى بەينەنۇسقاۋلىق, ينتەراكتيۆتى كومەكشى جانە ناقتى ۋاقىت رەجيمىندە سۇراقتارعا جاۋاپ بەرەتىن SANAQ مىرزا چات-بوتى جۇمىس ىستەيدى.
ينتەرنەتكە قوسىلماعان ازاماتتار ءۇشىن ەلىمىز بويىنشا اكىمدىكتەر مەن اۋداندىق ستاتيستيكا بولىمدەرىندە 2684 وزىنە-ءوزى قىزمەت كورسەتۋ پۋنكتى اشىلعان. سونداي-اق 1446 نومىرىندەگى بايلانىس ورتالىعى تاۋلىك بويى جۇمىس ىستەيدى جانە تەحنيكالىق سۇراقتاردان باستاپ ساۋالنامانىڭ مازمۇنىنا دەيىن كەز كەلگەن ماسەلە بويىنشا كەڭەس بەرەدى.
ۇلتتىق ستاتيستيكا بيۋروسى اۋىل شارۋاشىلىعى ساناعىنا قاتىسۋشىلار ۇسىنعان بارلىق دەرەكتەردىڭ زاڭمەن قورعالاتىنىن جانە سالىق ورگاندارىنا, پوليتسياعا نەمەسە باسقا مەملەكەتتىك مەكەمەلەرگە بەرىلمەيتىنىن حابارلاپ وتىر.
