الماتى-ءۇرىمشى باعىتىمەن جاڭا اۋە جولى اشىلماق

سوڭعى ۋاقىتتا قازاقستان مەن قىتاي اراسىنداعى ساۋدا-ەكونوميكالىق قارىم-قاتىناس اياسى ۇلعايا تۇسۋدە. سوعان وراي, ەكى ەل اراسىنداعى اۋە قاتىناسى باعىتىندا دا بىرقاتار ءىس-شارالار جۇزەگە اسىرىلۋدا. انىعىراق ايتقاندا بيىلعى 2010 جىلدىڭ ەكىنشى شىلدەسىنەن باستاپ “الماتى-ءۇرىمشى” باعىتى بويىنشا جاڭا رەيس, اۋە قاتىناسى ءوز جۇمىسىن باستايدى. “ەيرباس-ا320” ىڭعايلى اۋە كەمەسى الماتى قالا­سى­نان ۇرىمشىگە اپتاسىنا ءۇش رەت, ياعني سارسەنبى, جۇما جانە جەكسەنبى كۇندەرى ۇشادى. ال, ۇرىمشىدەن الماتىعا قاراي رەيس بەيسەنبى, سەنبى جانە جەكسەنبى كۇندەرى ورىندالادى. بۇل جونىندە “ەير-استانا” اۋە كوم­پا­نيا­سى­نىڭ الماتىدا وتكەن ءباسپاسوز ءما­سلي­حا­تىندا جان-جاق­تى تۇردە باياندالدى. جيىندا ءسوز العان “ەير استانا” اق پرەزيدەنتى پيتەر فوستەر “ەكى قالا ارا­سىنداعى جاڭادان اشىلعان اۋە باعىتىنىڭ قا­زاق­ستان مەن قىتاي ارا­سىن­داعى قوعامدىق-ساياسي جانە ەكو­نو­ميكالىق بايل­ا­نىس­تاردىڭ ودان ءارى دامۋىنا اي­تارلىقتاي ىقپال ەتەتىندىگىن اتاپ ايتتى. – كوپشىلىككە بەلگىلى, قازاقستان مەن قىتاي ارا­سىندا ساۋدا-كەلىسىم شارتتاردىڭ كولەمى ۋاقىت وتكەن سا­­يىن ارتا تۇسۋدە. بۇگىندە “ەير-استانا” اۋە كوم­پا­نيا­سى الماتىدان پەكينگە جانە استانادان ۇرىمشىگە ۇشۋدى جۇزەگە اسىرۋدا, دەگەنمەن بۇل رەيستەر قازىرگى تاڭدا كوپشىلىك سۇرانىسىن قاناعاتتاندىرماي وتىر. بۇل ورايدا اتاپ ايتارلىق ءجايت, جاڭادان ىسكە قوسىلىپ وتىرعان “الماتى-ءۇرىمشى” باعىتى ءبىزدىڭ اۋە كومپانيامىز ءۇشىن بولاشاعى زور جاڭا نارىقتى اشىپ, تىڭ تابىستارعا جول اشپاق, – دەيدى پيتەر فوستەر ءوز ويىن ورتاعا سالىپ. “ەير-استانا” اۋە كومپانياسى باسشىسىنىڭ ءپى­كى­رىن­شە, ەكى ەل اراسىنداعى رەيستەردى جۇزەگە اسىرۋ كەزەڭىندە 350 مىڭعا جۋىق جولاۋشىنىڭ جانە 6093,8 توننا جۇكتىڭ تاسىمالدانۋى – اۋە قاتىناسىنا دەگەن جوعارى قاجەتتىلىكتىڭ كەپىلى. بيىلعى جىلدىڭ وتكەن بەس ايىندا, ياعني قاڭتاردان مامىر ايىنا دەيىن “ەير-استانا” 8457 جولاۋشىعا قىزمەت كورسەتكەندىگى دە كوپ نارسەدەن حابار بەرسە كەرەك. ءۇرىمشى – سونداي-اق, كاسىپكەرلەر مەن تۋريستەردەن باسقا ەمدەلۋگە جانە دەمالۋعا كەلەتىندەر جانە قحر-دىڭ سينتسزيان-ۇيعىر اۆتونوميالى ايماعىنىڭ مادەنيەتى مەن ءداستۇرىن زەرتتەۋشىلەردىڭ دە نازارىن وزىنە اۋدارۋدا. ءسوز رەتى كەلگەندە ايتا كەتەتىن تاعى ءبىر ءجايت, “الماتى-ءۇرىمشى” باعىتىنداعى اۋە بيلەتتەردىڭ قۇنى تىم قىمبات ەمەس, ول – 27000 تەڭگە. ال, بيزنەس-كلاسس ساناتىنداعى ورىندار باعاسى ەكى جاققا – 140000 تەڭگەدەن باستالادى. ۇشۋ ۇزاقتىعى 1 ساعات 50 ءمينوتتى قۇرايدى. بيلەتتەردى برونداۋ ءۇشىن اقپارات ورتالىعىنا +7 (727) 244-44-77 تەلەفونى بويىنشا حابارلاسۋعا بولادى. ءسويتىپ, ۇرىمشىگە جولاۋشىلاپ بارعانداردى بۇل ولكەنىڭ ادەمى تابيعاتى, ەجەلگى تاريحي ەسكەرتكىشتەرى, ساۋدا الاڭدارى كۇتۋدە. باقىت بالعارينا. الماتى.