ەسىل اۋدانىنا جاڭا اكىم تاعايىندالدى

كوكشەتاۋ. 17 اقپان. اقمولا وبلىسىنىڭ اكىمى سەرگەي كۋلاگيننىڭ وكىمىمەن جانە اۋداندىق ءماسليحات دەپۋتاتتارى كەلىسىمىنىڭ نەگىزىندە امانبەك ءامىرحامزا ۇلى قالجانوۆ ەسىل  اۋدانىنىڭ اكىمى بولىپ تاعايىندالدى. بۇل تۋرالى egemen.kz ءتىلشىسى حابارلادى. ا.قالجانوۆ 1961 جىلى تۋعان, 1989 جىلى تسەلينوگراد اۋىل شارۋاشىلىق ينستيتۋتىن اۋىل شارۋاشىلىعى ءوندىرىسىنىڭ ەكونوميست-ۇيىمداستىرۋشىسى ماماندىعى بويىنشا بىتىرگەن. ەڭبەك جولىن 1980 جىلى ارقالىق كالالىق كوممۋنالدىق شارۋاشىلىعىنىڭ ارنايى اۆتوبازاسى ماتەريالدىق ۇستەلىنىڭ ەسەپشىسى بولىپ باستاعان. 1983 جىلعى ناۋرىزدان باستاپ تورعاي وبلىستىق ستاتيستيكا باسقارماسىنىڭ باس ينجەنەر-رەۆيزورى, ەسەپ ورتالىعى باستىعىنىڭ ورىنباسارى قىزمەتتەرىن اتقاردى. ا.قالجانوۆ 1994 جىلعى شىلدە ايىنان باستاپ تورعاي وبلىسى بويىنشا سالىق كوميتەتىنىڭ ءتۇرلى لاۋازىمدارىن اتقارادى. 1997 جىلعى تامىزدا اقمولا وبلىسى جارقايىڭ اۋدانى سالىق كوميتەتىنىڭ توراعاسى بولىپ تاعايىندالعان. ال 2004-2013 جىلدار ارالىعىندا جارقايىڭ جانە ەرەيمەنتاۋ اۋداندارىنىڭ اكىمى لاۋازىمىندا بولدى. جاڭا داۋازىمعا تاعايىندالعانعا دەيىن اقمولا وبلىسى اۋىل شارۋاشىلىعى باسقارماسىنىڭ باسشىسى قىزمەتىن اتقارعان. «قۇرمەت» وردەنىنىڭ يەگەرى. باقبەرگەن امالبەك. دەرەك, سۋرەت: egemen.kz.