ماڭعىستاۋ وڭىرلىك تۋريزم باسقارماسىنىڭ قولداۋىمەن جۋرنال رەداكتسياسى دايىنداعان باسىلىمنىڭ ارنايى سانىندا ەۋروپالىق اۋديتوريا بوزجىرا شاتقالى, شەرقالا تاۋى, تۇزبايىر, الىپ شارلار اڭعارى, كاسپي تەڭىزى جاعالاۋى, سونداي-اق ءوڭىردىڭ كيەلى ورىندارى جانە مادەني مۇراسىمەن تانىستى.
ماتەريال ادەمى فوتوسۋرەتتەرمەن, ولكەنىڭ تابيعي جانە تاريحي ەرەكشەلىكتەرىن ايقىندايتىن اۆتورلىق سيپاتتامالارمەن تولىقتىرىلعان. ماڭعىستاۋ وبلىستىق تۋريزم باسقارماسى «VIAJAR» جۋرنالىندا ماڭعىستاۋ وبلىسىنىڭ تانىستىرىلۋى – ەلىمىزدىڭ تۋريستىك الەۋەتىن حالىقارالىق دەڭگەيدە تانىتۋ باعىتىنداعى جۇيەلى جۇمىستىڭ ناتيجەسى دەپ تۇسىندىرەدى. ايتۋلارىنشا, بۇل شەتەلدىك تۋريستەردى تارتۋعا, ءوڭىردىڭ ءيميدجىن قالىپتاستىرۋعا جانە ەۋروپا نارىعىمەن تۋريستىك بايلانىستاردى نىعايتۋعا جاڭا مۇمكىندىكتەر اشادى.
ال 1978 جىلى نەگىزى قالانعان «VIAJAR» – يسپانياداعى ەڭ العاشقى جانە كونە ساياحات جۋرنالى سانالادى. اۋديتورياسى يسپانيامەن قاتار لاتىن امەريكاسى ەلدەرى مەن ەۋروپا تۋريستىك قاۋىمداستىعىن قوسا قامتيتىن باسىلىم 45 جىلدان اسا ۋاقىت بويى وقىرماندارىنا ساپالى رەپورتاجدار, اۆتورلىق باعىتتار مەن قىزىقتى ماتەريالدار ۇسىنىپ كەلەدى. ەندى «VIAJAR» ارقىلى ماڭعىستاۋدى تانىعان تۋريستەر كيەلى ولكەگە ات باسىن بۇراتىنى ءسوزسىز.
ماڭعىستاۋ وبلىسى
