فوتو: pixabay
ەلدە تابيعي اپاتتىڭ سالدارىن جويۋعا باعىتتالعان اۋقىمدى جۇمىستار جالعاسىپ جاتىر. قۇتقارۋ وپەراتسيالارىنا پوليتسيا قىزمەتكەرلەرى جۇمىلدىرىلعان. قىتاي حالىق رەسپۋبليكاسىنىڭ قوعامدىق قاۋىپسىزدىك مينيسترلىگىنىڭ مالىمەتىنشە, پوليتسەيلەر 101 مىڭ تۇرعىندى قاۋىپسىز جەرگە كوشىرىپ, تابيعات اپاتى سالدارىنان تۇزاقتا قالعان 1 800-دەن استام ادامدى قۇتقارعان.
مينيسترلىك جەرگىلىكتى بولىمشەلەرگە, اسىرەسە زارداپ شەككەن ايماقتاردا, ءتيىستى قۇرىلىمدارمەن بىرلەسە وتىرىپ, جەدەل كومەك كورسەتۋ, جاسىرىن قاۋىپ-قاتەرلەردى انىقتاۋ, كولىك قوزعالىسىنىڭ ۇزدىكسىزدىگىن قامتاماسىز ەتۋ جانە قوعامدىق ءتارتىپتى ساقتاۋ جۇمىستارىن كۇشەيتۋدى تاپسىرعان. بۇل اسىرەسە ۋاقىتشا ورنالاستىرۋ پۋنكتتەرى, قويمالار, مەديتسينالىق بەكەتتەر مەن باسپانا بەرۋ ورىندارىندا ماڭىزدى ەكەنى اتاپ ءوتىلدى.
سوڭعى كۇندەرى قىتايدىڭ شىعىس, سولتۇستىك جانە سولتۇستىك-شىعىس ايماقتارىندا تولاسسىز جاۋعان نوسەر جاۋىن سالدارىنان سۋ تاسقىنى تىركەلدى. بەيجىڭدە كۇشتى جاۋىن-شاشىن سالدارىنان 30 ادام قازا تاپتى. سالدارىنان جولدار ءب ۇلىنىپ, ەلەكتر قۋاتى ۇزىلگەن.
تابيعي اپاتتىڭ كۇشەيۋىنە بايلانىستى جالپى 80 332 ادام ەۆاكۋاتسيالانعان. قايعىلى وقيعالار نەگىزىنەن قىتاي استاناسىنىڭ سولتۇستىك تاۋ ايماقتارىندا ورىن العان.
