بۇل تۋرالى گەرمانيانىڭ ىشكى ىستەر ءمينيسترى الەكساندر دوبريندت رەسمي تۇردە مالىمدەدى. ونىڭ ايتۋىنشا, بۇدان بىلاي مينيسترلىك نە جاڭا وتىنىشتەردى, نە بۇرىن بەرىلگەن رۇقساتتاردى ۇزارتۋدى قاراستىرمايدى. بۇعان دەيىن اتالعان باعدارلاما بويىنشا بوسقىنداردىڭ تۋىستارى گەرمانياعا كەلىپ, ولارعا شاقىرۋشى جاق مەديتسينالىق شىعىنداردى ءوز موينىنا الاتىن ەدى.
بەرلين سەناتىنىڭ قارجى جونىندەگى سەناتورى شتەفان ەۆەرس تە بۇل شەشىمدى قولدادى. ول ەلدەگى بوسقىندارعا كەتەتىن شىعىنداردى قىسقارتۋ قاجەتتىگىن اتاپ ءوتتى. ونىڭ ايتۋىنشا, قازىرگى تاڭدا مەملەكەت بوسقىندارمەن بايلانىستى مىندەتتەمەلەردىڭ ەداۋىر بولىگىن ءوز ەسەبىنەن ورىنداۋعا ءماجبۇر.
شەكتەۋلەردىڭ باستى سەبەبى – قارجىلىق كەپىلدىكتەردىڭ شەكتەۋلى مەرزىمى. گەرمانيادا بوسقىنداردى شاقىرعان تۋىستارى ولاردىڭ شىعىندارىن تەك 5 جىل بويى كوتەرە الادى. وسى مەرزىم وتكەن سوڭ, ولاردىڭ بارلىق الەۋمەتتىك جانە تۇرمىستىق قامتاماسىز ەتىلۋى مەملەكەتتىك بيۋدجەتكە جۇكتەلۋى مۇمكىن. بۇل – فەدەرالدىق ۇكىمەت ءۇشىن ۇزاقمەرزىمدى قارجىلىق تاۋەكەل سانالادى.
ساراپشىلاردىڭ پىكىرىنشە, ەل بيلىگى ەندى الەۋمەتتىك ساياسات پەن قاۋىپسىزدىك مۇددەسى اراسىنداعى تەپە-تەڭدىكتى ساقتاۋعا تىرىسىپ جاتقانىن ايتادى.
