چەمپيوندار ليگاسىنىڭ فينالىنا بيلەتتەر ويناتىلادى

استانا. 17 اقپان. فۋتبولدان قازاقستان سۋپەركۋبوگى ءۇشىن بولاتىن تارتىس كەزىندە ۇيىمداستىرۋشىلار لوتەرەيا ويناتىپ, مامىر ايىندا بەرليندە وتەتىن ۋەفا چەمپيوندار ليگاسى فينالىنىڭ بيلەتتەرىن ساراپقا سالادى. بۇل تۋرالى vesti.kz حابارلادى. ۇيىمداستىرۋشىلاردىڭ ايتۋىنشا, لوتەرەيانىڭ باس جۇلدەسى بەرلينگە بارۋعا مۇمكىندىك بەرەتىن جولداما. وعان استانا-بەرلين-استانا باعىتىنداعى ۇشاق قۇنى, قوناق ۇيدەن ورىن جانە چەمپيوندار ليگاسىنىڭ فينالىنا ەكى بيلەت ەنەدى. ودان بولەك, جانكۇيەرلەر اراسىندا اتالعان تارتىستىڭ تاعى ءۇش بيلەتى ويناتىلادى. لوتورەياعا سۋپەركۋبوكتىق ويىندى تاماشالاۋعا كەلگەن بارلىق جانكۇيەر قاتىسا الادى. ول ءۇشىن ويىنعا ساتىپ العان بيلەتتىڭ ءبىر بولىگىن ارنايى جاشىكتەرگە سالساڭىز بولعانى. سۋپەركۋبوك باسەكەسىنىڭ بيلەتتەرى 300 جانە 500 تەڭگەدەن ساتىلادى. فۋتبولدان قازاقستان سۋپەركۋبوگى 1 ناۋرىز كۇنى «استانا ارەنا» ستاديونىندا 15:30-دا باستالادى. بۇل تارتىستا الماتىلىق «قايرات» پەن «استانا» فۋتبول كوماندالارى سىنعا تۇسەدى. ەلامان قوڭىر. دەرەك: vesti.kz. سۋرەت: prosportkz.kz.