استانا. 17 اقپان. «بارىس» حاباروۆسكىدە جەرگىلىكتى «امۋرمەن» كۇش سىناسىپ, 3:2 ەسەبىمەن جەڭىسكە جەتتى. وسىلايشا «امۋرمەن» ەكى كۇن قاتارىنان ايقاسىپ, قوس جەڭىسكە قول جەتكىزگەن استانالىقتار قۇرلىقتىق حوككەي ليگاسىنىڭ پلەي-وفف كەزەڭىنە جولداما الدى. بۇل تۋرالى egemen.kz حابارلادى.
قوس ويىننان تۇرعان سەريالى تارتىستىڭ ەكىنشى بولىمىندە دە قازاقستاندىق حوككەيشىلەردىڭ مىسى باسىم بولدى. العاشقى كەزەڭدە ايدىن يەلەرى تاماشا مۇمكىندىكتەردى ءمۇلت جىبەردى. الدىمەن, ويىننىڭ 5-مينۋتىندا «بارىس» ساپىنان وسكارس بارتۋليس كىشى ايىپپەن جازالانسا, 10-مينۋتتا نيكولاي انتروپوۆ 10 مينۋتقا ايدىننان قۋىلدى. ول از دەسەڭىز, ارادا تاعى 5 مينۋت ۋاقىت وتكەن كەزدە ولەگ كۆاشا دا الدىڭعى ارىپتەستەرىنىڭ كەبىن كيىپ, ەكى مينۋتتىق جازاسىن وتەۋگە اتتاندى. ءبىر كەزەڭنىڭ وزىندە وسىنشاما مۇمكىندىكتى پايدالانا الماعان حاباروۆسكىلىكتەر كەرىسىنشە بەس ويىنشىمەن ءجۇرىپ, ءوز قاقپالارىنا شايبا جىبەرىپ الدى. ءبىر ويىنشىعا كەم بولعانىنا قاراماستان شابۋىلعا شىققان استانالىقتار 17-مينۋتتا كونستانتين رومانوۆتىڭ كومەگىمەن ەسەپ اشتى.
ەكىنشى كەزەڭ باستالىسىمەن قوناقتار قارسىلاستارىنىڭ قاقپاسىنا لاپ قويدى. ناتيجەسىندە, 24-مينۋتتا ولەگ كۆاشا قانجىعاسىن مايلاپ, ەسەپتى ەسەلەدى. ال كەلەسى ۇزىلىسكە 5 مينۋت ۋاقىت قالعان كەزدە نيكولاي انتروپوۆ «امۋردىڭ» قاقپاسىنا ءۇشىنشى شايبا سوعىپ, ەسەپتى «بارىستىڭ» پايداسىنا 3:0-گە جەتكىزدى.
شەشۋشى كەزەڭدە يۋككا راۋتاكورپيدەن ءتالىم الاتىن «امۋر» حوككەيشىلەرى جيناقىلىق تانىتىپ, ەسەپ ايىرماسىن ءبىر شايباعا دەيىن قىسقارتتى. 51-مينۋتتا ۆياچەسلاۆ ليتوۆچەنكو كومانداسىنىڭ ويىنداعى العاشقى شايباسىن سوقسا, كەزدەسۋدىڭ اياقتالۋىنا 5 سەكۋند قالعان كەزدە ميحەل ميكليك مەرگەندىگىمەن كوزگە ءتۇستى. الايدا, بۇل «امۋردى» ويىنداعى جەڭىلىستەن قۇتقارىپ قالا المادى.
وسى جەڭىسىنەن كەيىن 84 ۇپايمەن «بارىس» قحل-دىڭ شىعىس كونفەرەنتسياسىندا 5-ورىنعا كوتەرىلدى. تۇراقتى چەمپيوناتتىڭ سوڭىنا دەيىن ءالى ءۇش ويىن وتكىزەتىن ەلوردالىق كوماندا قازىردىڭ وزىندە سايىستىڭ پلەي-وفف كەزەڭىندە ويناۋعا مۇمكىندىك الىپ تۇر. اندرەي نازاروۆ جاتتىقتىراتىن كوماندا كەلەسى ويىندى 20 اقپان كۇنى ءوز ايدىنىندا نوۆوكۋزنەتسكىنىڭ «مەتاللۋرگىنە» قارسى وتكىزەدى.
ەلامان قوڭىر.
دەرەك: egemen.kz.
سۋرەت: hcamur.ru.
استانا. 17 اقپان. «بارىس» حاباروۆسكىدە جەرگىلىكتى «امۋرمەن» كۇش سىناسىپ, 3:2 ەسەبىمەن جەڭىسكە جەتتى. وسىلايشا «امۋرمەن» ەكى كۇن قاتارىنان ايقاسىپ, قوس جەڭىسكە قول جەتكىزگەن استانالىقتار قۇرلىقتىق حوككەي ليگاسىنىڭ پلەي-وفف كەزەڭىنە جولداما الدى. بۇل تۋرالى egemen.kz حابارلادى.
قوس ويىننان تۇرعان سەريالى تارتىستىڭ ەكىنشى بولىمىندە دە قازاقستاندىق حوككەيشىلەردىڭ مىسى باسىم بولدى. العاشقى كەزەڭدە ايدىن يەلەرى تاماشا مۇمكىندىكتەردى ءمۇلت جىبەردى. الدىمەن, ويىننىڭ 5-مينۋتىندا «بارىس» ساپىنان وسكارس بارتۋليس كىشى ايىپپەن جازالانسا, 10-مينۋتتا نيكولاي انتروپوۆ 10 مينۋتقا ايدىننان قۋىلدى. ول از دەسەڭىز, ارادا تاعى 5 مينۋت ۋاقىت وتكەن كەزدە ولەگ كۆاشا دا الدىڭعى ارىپتەستەرىنىڭ كەبىن كيىپ, ەكى مينۋتتىق جازاسىن وتەۋگە اتتاندى. ءبىر كەزەڭنىڭ وزىندە وسىنشاما مۇمكىندىكتى پايدالانا الماعان حاباروۆسكىلىكتەر كەرىسىنشە بەس ويىنشىمەن ءجۇرىپ, ءوز قاقپالارىنا شايبا جىبەرىپ الدى. ءبىر ويىنشىعا كەم بولعانىنا قاراماستان شابۋىلعا شىققان استانالىقتار 17-مينۋتتا كونستانتين رومانوۆتىڭ كومەگىمەن ەسەپ اشتى.
ەكىنشى كەزەڭ باستالىسىمەن قوناقتار قارسىلاستارىنىڭ قاقپاسىنا لاپ قويدى. ناتيجەسىندە, 24-مينۋتتا ولەگ كۆاشا قانجىعاسىن مايلاپ, ەسەپتى ەسەلەدى. ال كەلەسى ۇزىلىسكە 5 مينۋت ۋاقىت قالعان كەزدە نيكولاي انتروپوۆ «امۋردىڭ» قاقپاسىنا ءۇشىنشى شايبا سوعىپ, ەسەپتى «بارىستىڭ» پايداسىنا 3:0-گە جەتكىزدى.
شەشۋشى كەزەڭدە يۋككا راۋتاكورپيدەن ءتالىم الاتىن «امۋر» حوككەيشىلەرى جيناقىلىق تانىتىپ, ەسەپ ايىرماسىن ءبىر شايباعا دەيىن قىسقارتتى. 51-مينۋتتا ۆياچەسلاۆ ليتوۆچەنكو كومانداسىنىڭ ويىنداعى العاشقى شايباسىن سوقسا, كەزدەسۋدىڭ اياقتالۋىنا 5 سەكۋند قالعان كەزدە ميحەل ميكليك مەرگەندىگىمەن كوزگە ءتۇستى. الايدا, بۇل «امۋردى» ويىنداعى جەڭىلىستەن قۇتقارىپ قالا المادى.
وسى جەڭىسىنەن كەيىن 84 ۇپايمەن «بارىس» قحل-دىڭ شىعىس كونفەرەنتسياسىندا 5-ورىنعا كوتەرىلدى. تۇراقتى چەمپيوناتتىڭ سوڭىنا دەيىن ءالى ءۇش ويىن وتكىزەتىن ەلوردالىق كوماندا قازىردىڭ وزىندە سايىستىڭ پلەي-وفف كەزەڭىندە ويناۋعا مۇمكىندىك الىپ تۇر. اندرەي نازاروۆ جاتتىقتىراتىن كوماندا كەلەسى ويىندى 20 اقپان كۇنى ءوز ايدىنىندا نوۆوكۋزنەتسكىنىڭ «مەتاللۋرگىنە» قارسى وتكىزەدى.
ەلامان قوڭىر.
دەرەك: egemen.kz.
سۋرەت: hcamur.ru.
