كەن ورنىنىڭ وڭتۇستىك بولىگىنىڭ تولىق ينتەگراتسياسى ارقىلى كاتكو جىلىنا 4 مىڭ توننا ۋران ءوندىرۋ كورسەتكىشىنە قول جەتكىزۋدى كوزدەپ وتىر. جوبا 2021 جىلى ەگجەي-تەگجەيلى جوبالىق ماقۇلداۋدان وتكەن. 2023 جىلى جاڭا زاۋىتتىڭ قۇرىلىسى باستالىپ, ۇشجىلدىق قىسقا مەرزىمدە جۇزەگە اسىرىلدى. جوبا اياسىندا گيدروتەحنيكالىق جەلىلەر, اسفالت جانە قيىرشىق تاستى جولدار, ەلەكتر جەلىلەرى, جاڭا ترانسفورماتورلىق قوسالقى ستانسا سالىندى.
«وڭتۇستىك تورتقۇدىق» جوباسى وڭىرگە ايتارلىقتاي ەكونوميكالىق پايدا اكەلىپ, قىزمەتكەرلەردىڭ تۇرمىس جاعدايىن جاقسارتتى. قۇرىلىس كەزىندە جەرگىلىكتى مەردىگەرلەرگە قوسىمشا جۇمىس ورىندارى اشىلىپ, ءبىر ۋاقىتتا ورتا ەسەپپەن 600 ادام جۇمىس ىستەدى.
زاۋىتتىڭ اشىلۋ سالتاناتىنا تۇركىستان وبلىسىنىڭ اكىمى نۇرالحان كوشەروۆ, فرانتسيانىڭ قازاقستانداعى ەلشىسى سيلۆان گيوگە, «KATكو» كومپانياسىنىڭ باس ديرەكتورى پاسكال باستەن, «قازاتومونەركاسىپ» ۇاك» اق باسقارما توراعاسى مەيىرجان يۋسۋپوۆ, اتوم ەنەرگەتيكاسى جونىندەگى مەملەكەتتىك اگەنتتىك توراعاسىنىڭ ورىنباسارى عۇمار سەرعازين, «Orano Mining BU» كومپانياسىنىڭ باس ديرەكتورى كزاۆە سان-مارتان تيە جانە وزگە دە تۇلعالار قاتىستى.
«قازاتومونەركاسىپ» – تابيعي ۋران ءوندىرۋ سالاسىندا ەلىمىزدە عانا ەمەس دۇنيەجۇزىندە كوشباسشى كومپانيالاردىڭ ءبىرى. تۇركىستان وبلىسىندا اتالعان كومپانياعا قاراستى 10 تابيعي ۋران ءوندىرىس ورنى جۇمىس ىستەيدى ءارى 1 كومپانيا بارلاۋ جۇمىستارىن, 1 كومپانيا ەلەكتر ەنەرگياسىن تاسىمالداۋ قىزمەتىن اتقارادى.
«بۇل جوبا ءوندىرىس پەن ىشكى, سىرتقى نارىقتى جوعارى ساپالى ۋرانمەن قامتاماسىز ەتەدى, جاڭا تەحنولوگيالاردى ەنگىزۋ ارقىلى ۋراندى وندىرۋگە باعىتتالادى. ينۆەستيتسيالىق جوبانىڭ قۋاتتىلىعى – جىلىنا 2 000 توننا ۋران وڭدەۋ, قۇيىلعان ينۆەستيتسيا قۇنى 74,7 ملرد. تەڭگەنى قۇرادى. جاڭا جۇمىس ورىندارى اشىلدى. وبلىس اكىمدىگى تاراپىنان اتالعان وندىرىسكە 6 مىڭ گەكتارعا جۋىق جەر تەلىمى ءبولىندى جانە بارلىق قاجەتتى ينفراقۇرىلىممەن قامتاماسىز ەتىلدى. ءوندىرىس ورىندارىن اشۋ باعىتىنداعى جۇمىستار جالعاسادى», دەدى جوبانىڭ ماڭىزىنا توقتالعان وبلىس اكىمى.
«قازاتومونەركاسىپ» باسشىسى مەيىرجان يۋسۋپوۆتىڭ ايتۋىنشا, «وڭتۇستىك تورتقۇدىق ۋچاسكەسىندە وڭدەۋ زاۋىتىنىڭ ىسكە قوسىلۋى تەك «كاتكو» ءۇشىن ەمەس, ەلىمىزدىڭ بۇكىل اتوم ونەركاسىبى ءۇشىن دە ماڭىزدى وقيعا. «قازاتومونەركاسىپ» پەن «Orano» اراسىنداعى ۇزاقمەرزىمدى ستراتەگيالىق سەرىكتەستىكتىڭ ناتيجەسى. سونداي-اق جاڭا ءوندىرىس ورنىنىڭ اشىلۋ سالتاناتىندا ۋران سالاسىندا جەمىستى ەڭبەك ەتىپ جۇرگەن ازاماتتار ماراپاتتالدى.
ايتا كەتەيىك, «KATKO» – تۇركىستان وبلىسىنداعى ەڭ ءىرى جۇمىس بەرۋشىلەردىڭ ءبىرى. كومپانيا 1 300 ادامدى جۇمىسپەن قامتاماسىز ەتەدى, ولاردىڭ 70%-دان استامى ەلىمىزدىڭ وڭتۇستىگىندە جانە 52%-دان استامى سوزاق اۋدانىندا تۇرادى. كومپانيا قىزمەتكەرلەرىنىڭ 99%-ى ەل ازاماتتارى.
تۇركىستان وبلىسى
