فوتو: azattyq-ruhy.kz
بيىلعى اقپان ايىندا ەلىمىزگە «بۇۇ-ايەلدەر» قۇرىلىمىنىڭ ەۋروپا جانە ورتالىق ازيا ءوڭىرى بويىنشا وڭىرلىك ديرەكتورى بەلەن سانس ليۋكە جۇمىس ساپارىمەن كەلگەن-ءدى. ساپار اياسىندا بەيجىڭ دەكلاراتسياسى مەن ءىس-قيمىل پلاتفورماسىنىڭ 30 جىلدىعى اياسىندا جانە تۇراقتى دامۋدىڭ 5-ماقساتى – گەندەرلىك تەڭدىكتى قامتاماسىز ەتۋ شەڭبەرىندە ورتالىق ازيانىڭ بولاشاعىنا ارنالعان جوعارى دەڭگەيدەگى وڭىرلىك كەزدەسۋى وتكەن.
سونىمەن قاتار ەلىمىزدە رەسپۋبليكالىق رەپرودۋكتيۆتى دەنساۋلىق اپتالىعى ۇيىمداستىرىلدى. وسى ۋاقىت ارالىعىندا 20 مىڭنان اسا ءىس-شارا ءوتىپ, وعان 500 مىڭعا جۋىق ادام قاتىستى.
ال وتكەن جىلى ايەلدەر قۇقىعى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا زاڭ كۇشىنە ەنىپ, بۇل شارا وتباسىلىق ساياساتتى دامىتۋ باعىتىنداعى ماڭىزدى قادام بولدى. اتالعان زاڭ اياسىندا وتباسىن قولداۋ ورتالىقتارىنىڭ جۇمىسى قايتا قارالىپ, ولار بىرىڭعاي ۇلگى بويىنشا جۇمىس ىستەي باستادى. ناتيجەسىندە, ورتالىقتار سانى 33-تەن 124-كە دەيىن ءۇش ەسە ارتتى. جىل باسىنان بەرى بۇل ورتالىقتارعا 100 مىڭنان اسا ادام جۇگىنگەن, ال 5 مىڭنان اسا وتباسىنا جان-جاقتى قولداۋ كورسەتىلگەن.
استانا, شىمكەنت, تۇركىستان, قىزىلوردا, جامبىل, ماڭعىستاۋ, باتىس قازاقستان جانە سولتۇستىك قازاقستان وبلىستارىندا وقو-لاردىڭ جۇمىس ۇدەرىستەرىن تسيفرلاندىرۋ ەنگىزىلدى. ال جاقىن ارادا «اتا-انالار اكادەمياسى» – Ata-ana.kz ونلاين پلاتفورماسى ىسكە قوسىلماق.
سونىمەن قاتار وتباسىنداعى اكە مەن انانىڭ ءرولىن ارتتىرۋ جۇمىستارى دا جالعاسىپ كەلەدى. انالار كۇنىنە وراي ەلىمىزدىڭ بارلىق وڭىرىندە وتباسىن نىعايتۋعا جانە ايەلدەردىڭ قوعامداعى ءرولىن ايقىنداۋعا باعىتتالعان مىڭنان اسا ءىس-شارا ءوتتى. اكەلەر كۇنى قارساڭىندا استانادا «اكە. وتباسى. قوعام» اتتى X رەسپۋبليكالىق اكەلەر فورۋمى ءوتتى. وعان بەلسەندى اتا-انالار, ساراپشىلار جانە قوعام وكىلدەرى قاتىستى.
قازاقستان قوعامدىق دامۋ ينستيتۋتىنىڭ جانىنداعى وتباسىلىق جانە گەندەرلىك ساياسات جونىندەگى زەرتتەۋ ورتالىعى ءوز جۇمىسىن جالعاستىرىپ كەلەدى. اتاپ ايتساق, تۇرمىستىق زورلىق-زومبىلىقتىڭ الدىن الۋ بويىنشا ۇلتتىق ەسەپ دايىنداۋ, قازاقستان قوعامىنداعى گەندەرلىك ستەرەوتيپتەردى زەرتتەۋ, سونداي-اق اقپارات جانە قوعامدىق دامۋ كوميتەتىنىڭ سايتىندا «گەندەرلىك مۇقتاجدىق پەن قاجەتتىلىكتەر كارتاسى» ارنايى ءبولىمىن ازىرلەۋ سەكىلدى جۇمىستار جۇرگىزىلىپ وتىر.
بۇل قادامدار ەلىمىزدىڭ ءاربىر ازاماتى تەڭ قۇقىق پەن مۇمكىندىكتەرگە يە بولاتىن ادىلەتتى ءارى قاۋىپسىز قوعام قۇرۋعا دەگەن ۇمتىلىسىن ايقىن اڭعارتادى.
