فوتو: اشىق دەرەككوز
ەستەرىڭىزگە سالا كەتەيىك, ءۇندىستان 2020 جىلى COVID-19 پاندەمياسىنا بايلانىستى بارلىق تۋريستىك ۆيزالاردىڭ بەرىلۋىن ۋاقىتشا توقتاتقان بولاتىن.
ءۇندىستاننىڭ بەيجىڭدەگى ەلشىلىگى سارسەنبى كۇنى حابارلاعانداي, قىتاي ازاماتتارى تۋريستىك ۆيزا الۋ ءۇشىن ونلاين ءوتىنىم تولتىرىپ, قابىلداۋعا جازىلىپ جانە پاسپورتتارى مەن قاجەتتى قۇجاتتارىن ءۇندىستاننىڭ بەيجىڭ, شانحاي جانە گۋانچجوۋ قالالارىنداعى ۆيزالىق ورتالىقتارعا جەكە تاپسىرۋى ءتيىس.
سوڭعى جىلدارى ءۇندىستان مەن قىتاي اراسىنداعى ساياحات شەكتەۋلى بولدى. بۇعان الدىمەن كوروناۆيرۋس پاندەمياسى, كەيىن 2020 جىلى گالۆان وزەنى ماڭىندا بولعان قاقتىعىستاردان كەيىنگى ديپلوماتيالىق شيەلەنىس سەبەپ بولعان.
بىراق بەيجىڭ ءۇندىستان ازاماتتارىنا بيزنەس پەن ءبىلىم الۋ ماقساتىندا ۆيزالار بەرۋدى بىرتىندەپ قالپىنا كەلتىرگەنىمەن, تۋريزم باعىتىنداعى ساپارلار ءالى دە شەكتەلىپ كەلگەن ەدى.
وتكەن جىلدىڭ قازان ايىندا ءۇندىستان پرەمەر-ءمينيسترى نارەندرا مودي مەن قىتاي توراعاسى سي تسزينپين قازان قالاسىندا كەلىسسوزدەر جۇرگىزىپ, ەكىجاقتى قاتىناستى جاقسارتۋ بويىنشا بىرقاتار شەشىمدەر قابىلداعان.
