فوتو: اشىق دەرەككوز
ايتا كەتەيىك, بۇعان دەيىن ترامپ ەگەر تاراپتار مامىلەگە كەلمەسە, 1 تامىزدان باستاپ جاپونياعا 25 پايىزدىق باج سالىعىن ەنگىزەتىنىن ايتىپ, ەسكەرتۋ جاساعان بولاتىن.
«جاڭا عانا جاپونيامەن ۇلكەن مامىلە جاسادىق, بۇل تاريحتاعى ەڭ ءىرى كەلىسىم بولۋى مۇمكىن», دەپ جازدى ترامپ ءوزىنىڭ Truth Social الەۋمەتتىك جەلىسىندەگى پاراقشاسىندا.
ترامپتىڭ ايتۋىنشا, جاڭا كەلىسىم اياسىندا جاپونيا اقش-قا 550 ميلليارد دوللار كولەمىندە ينۆەستيتسيا سالاتىن بولادى. سونداي-اق ول اقش بۇل كەلىسىمنەن پايدانى 90 پايىز كولەمىندە الاتىنىن مالىمدەدى, الايدا قوسىمشا مالىمەتتەردى ۇسىنبادى.
ءوز كەزەگىندە جاپونيانىڭ پرەمەر-ءمينيسترى سيگەرۋ يسيبا ترامپتىڭ مالىمدەمەسىنە قاتىستى پىكىر بىلدىرۋدەن باس تارتقان. ول الدىمەن كەلىسىمنىڭ ناقتى مازمۇنىمەن تانىسۋ قاجەت ەكەنىن ايتتى.
«كەلىسسوز قورىتىندىلارىن باعالاۋعا كەلەتىن بولساق, ءبىز كەلىسسوزدەر مەن كەلىسىمنىڭ ەگجەي-تەگجەيلەرىن مۇقيات زەرتتەمەيىنشە, ونى تالقىلاي المايمىن», دەدى يسيبا توكيودا وتكەن ءباسپاسوز ءماسليحاتىندا.
