فوتو: اشىق دەرەككوز
ءمينيستردىڭ ايتۋىنشا, قازىرگى زامان وقىرمانى مەن تىڭدارمانى تسيفرلىق كەڭىستىكتە ءومىر سۇرەتىندىكتەن, مادەني مەكەمەلەردىڭ دە مازمۇنى وسى ۇدەرىستەرگە ساي جاڭارتىلۋى قاجەت.
«وتە ورىندى سۇراق. شىن مانىندە, مادەني ينفراقۇرىلىمدى جاڭعىرتۋ – تەك قابىرعانى جوندەۋ ەمەس, ەڭ الدىمەن ونىڭ ىشكى مازمۇنىن جاڭارتۋ. قازىرگى زاماننىڭ وقىرمانى, كورەرمەنى, تىڭدارمانى مۇلدە باسقا. ولار جىلدام اقپارات الادى, تسيفرلىق كەڭىستىكتە ءومىر سۇرەدى. سوندىقتان ءبىز مادەني مەكەمەلەردىڭ مازمۇنىن دا سول ۇدەرىستەرگە ساي بەيىمدەۋىمىز كەرەك», دەدى مينيستر.
سونىمەن قاتار ايدا بالاەۆا كىتاپحانالاردى ينتەللەكتۋالدى ورتالىققا اينالدىرۋ جولىندا بىرقاتار ناقتى قادامدار جاسالىپ جاتقانىن اتاپ ءوتتى.
«كىتاپحانالارعا كەلسەك, سوڭعى جىلدارى بۇل سالادا بىرقاتار وزگەرىس جۇزەگە اسىرىلىپ جاتىر. جاي عانا كىتاپ ساقتاۋ ورنى ەمەس, ينتەللەكتۋالدى ورتالىققا اينالۋ جولىندا ناقتى قادامدار جاسالۋدا. اسىرەسە, ۇلتتىق اكادەميالىق كىتاپحانا, ۇلتتىق كىتاپحانا جانە وڭىرلىك كىتاپحانالار تسيفرلىق ترانسفورماتسيا ۇدەرىسىن باستاپ كەتتى. ەلەكتروندى كاتالوگتار, ونلاين قىزمەتتەر, تسيفرلىق پلاتفورمالار – بۇگىندە كىتاپحانالار قىزمەتىنىڭ اجىراماس بولىگىنە اينالدى», دەدى ول.
الايدا ايدا بالاەۆا قازىرگى تاڭدا كىتاپحانا سورەلەرىندە وقىرمان سۇرانىسىن تولىق قاناعاتتاندىرا الاتىن زاماناۋي جانرلار مەن جاڭا تۋىندىلاردىڭ جەتىسپەيتىنىن تىلگە تيەك ەتتى. بۇل جاعداي قوردى جۇيەلى جاڭارتۋدى, ادەبي ۇردىستەردى باقىلاۋدى قاجەت ەتەدى.
«قازىر, وكىنىشكە قاراي, وقىرمان ىزدەگەن جاڭا تۋىندىلار, زاماناۋي جانرلار, بالاما ادەبيەتتەر كىتاپ سورەلەرىنەن تابىلا بەرمەيدى. بۇل – قوردى جاڭارتۋ, جۇيەلى ساراپتاۋ, نارىقتاعى ادەبي ۇردىستەردى باقىلاۋ قاجەت دەگەن ءسوز», دەدى مينيستر.
ايدا بالاەۆا زاماناۋي ادەبيەتپەن كىتاپ قورىن جاڭارتۋ قولعا الىنعانىن, بۇل تەك كوركەم ادەبيەتكە ەمەس, سونىمەن قاتار عىلىمي-كوپشىلىك, كاسىپتىك, موتيۆاتسيالىق, بالالار مەن جاسوسپىرىمدەرگە ارنالعان كونتەنتكە دە قاتىستى ەكەنىن ايتتى. مينيستر بالالار مەن جاسوسپىرىمدەر اراسىندا كوميكس, فەنتەزي, دەتەكتيۆ, فانتاستيكا سەكىلدى جانرلارعا قىزىعۋشىلىقتىڭ ارتقانىن جانە بۇل باعىتتاعى كىتاپتاردى كوبەيتۋ قاجەتتىگىن ايتتى.
«قازىرگى بالالار مەن جاسوسپىرىمدەر كوميكس, فەنتەزي, دەتەكتيۆ, فانتاستيكا جانرلارىنا قىزىعۋشىلىق تانىتادى. بۇل – ولاردىڭ ادەبيەتكە باستار العاشقى جولى. سوندىقتان وسى باعىتتاعى كىتاپتاردى كوبىرەك شىعارىپ, قورلاردى جاڭارتۋ, زاماناۋي اۆتورلاردى قولداۋ – كۇن تارتىبىندەگى ماڭىزدى مىندەت», دەدى مينيستر.
سونداي-اق مينيستر مەملەكەت تاراپىنان ادەبيەتكە دەگەن قولداۋ ارتىپ وتىرعانىن اتاپ ءوتتى. جىل سايىن وتكىزىلەتىن ادەبي بايقاۋلار مەن زەرتتەۋلەر سونىڭ دالەلى.
ء«بىز وتكەن جىلدارى ەگەمەن تاريحىمىزدا العاش رەت رەسپۋبليكامىزداعى بۇكىل كىتاپحانا قورىنا تياناقتى تالداۋ جۇرگىزدىك. ناتيجەسىندە, تۇيگەن ءتۇيىنىمىز – ەلدە بار كىتاپتىڭ سانى كوپ, بىراق سالاسى جۇتاڭ. اينالدىرعان ءتورت-بەس اۆتوردىڭ ءبىر تاقىرىپتاعى كىتاپتارى بىرنەشە مارتە وزگەرتىلىپ, قايتا-قايتا باسىلا بەرگەن», دەدى ايدا بالاەۆا.
اقپارات ءمينيسترى مىسال رەتىندە بەلگىلى كلاسسيك جازۋشىنىڭ 1 174 كىتابى 26 804 دانادا بولسا, ورتاڭقول اۆتوردىڭ 1 012 كىتابى 34 746 دانامەن تارالعانىن اتاپ كورسەتتى.
«قازىرگى ادەبيەتتە قازىرگى زامان ادامىنىڭ كوركەم بەينەسى, قازاقستاننىڭ جاڭا مىڭجىلدىقتاعى كەلبەتى, جاھاندانۋ كەزەڭىندەگى ۇلتتىق بولمىس, عىلىم مەن تەحنولوگيا تاقىرىپتارى ءالى دە جەتكىلىكتى قامتىلماي وتىر», دەپ تۇيىندەدى ا.عالىمقىزى.
ايتا كەتەيىك, ەل پرەزيدەنتى «كىتاپ وقيتىن ۇلت» باستاماسىن كوتەرىپ, قوعامدا كىتاپ وقۋ مادەنيەتىن قالىپتاستىرۋعا شاقىرعان بولاتىن. وسى ورايدا, مادەنيەت مينيسترلىگى وتاندىق كىتاپحانالار مەن ادەبيەت سالاسىن جان-جاقتى دامىتۋعا كۇش سالىپ كەلەدى.
