سەنات وتىرىسىنىڭ كۇن ءتارتىبى تالقىلاندى

كەشە سەنات توراعاسى قاسىم-جومارت توقاەۆ پالاتا بيۋرو­سىنىڭ وتىرىسىن وتكىزدى جانە قازاقستان رەسپۋبليكاسى پرەزي­دەنتىنىڭ مەرزىمىنەن بۇرىن سايلاۋىن وتكىزۋ تۋرالى قازاقستان حال­قى اسسامبلەياسى كەڭەسىنىڭ ۇندەۋى تۋرالى ماسەلەنى  2015 جىلعى 19 اقپاندا بولاتىن پالاتانىڭ كەزەكتى وتىرىسىنىڭ كۇن تارتىبىنە ەنگىزۋدى ۇسىندى, دەپ حابارلادى سەناتتىڭ ءباسپاسوز قىزمەتى. سەناتورلار وتىرىس بارىسىندا قازاقستان مەن وزبەكستان ۇكىمەتتەرى اراسىنداعى ادام­دار­دىڭ رەادميسسياسى تۋرالى كەلىسىمدى جانە ادامداردىڭ رەا­دميسسياسى تۋرالى كەلىسىمدى ىسكە اسىرۋ ءتارتىبى تۋرالى اتقارۋ حاتتاماسىن راتيفيكاتسيالاۋ تۋرالى جانە كەدەن وداعىنا مۇشە مەملەكەتتەر بولىپ تابىلمايتىن, تاۋەلسىز مەملەكەتتەر دوس­تاس­تىعىنا قاتىسۋشى مەملەكەت­تەرمەن ءوزارا ساۋداداعى تەحنيكالىق كەدەرگىلەردى جويۋ تۋرالى كەدەن وداعىنا مۇشە مەم­لەكەتتەردىڭ كەلىسىمىن راتيفيكاتسيالاۋ تۋرالى زاڭ جوبالارىن; «بالالاردى دەنساۋلىعى مەن دامۋىنا زاردابىن تيگىزەتىن اقپاراتتان قورعاۋ تۋرالى» زاڭ جوباسى مەن وعان ىلەسپە قۇجاتتى; زاڭناماعا دەنساۋلىق ساقتاۋ ماسەلەلەرى بويىنشا تۇزەتۋلەردى ء(بىرىنشى وقىلىم); قولدانىستاعى زاڭناماعا زياتكەرلىك مەنشىك سالاسىن قۇقىقتىق رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن (ەكىنشى وقىلىم) قاراۋدى جوسپارلادى. بيۋرو وتىرىسىندا ماجىلىستەن تۇسكەن زاڭ جوبالارى ءبولىنىپ بەرىلدى. ەكونوميكالىق ساياسات, يننو­ۆاتسيالىق دامۋ جانە كاسىپ­كەرلىك كوميتەتى «ەۋرازيالىق ەكونو­ميكالىق كوميسسيانىڭ باسەكە­لەستىكتىڭ بىرىڭعاي قاعيدا­لارىنىڭ ساقتالۋىن باقىلاۋ جونىندەگى وكىلەتتىكتەردى جۇزەگە اسىرۋى كەزىندە قۇپيا اقپاراتتى قورعاۋ ءتارتىبى جانە ونى جاريا ەتكەنى ءۇشىن جاۋاپتىلىق تۋرالى كەلىسىمدى راتيفيكاتسيالاۋ تۋرالى» زاڭ جوباسىن ودان ءارى پىسىقتايتىن بولدى.