تاراپتار قازاق-قىتاي ىنتىماقتاستىعىنىڭ كەڭ اۋقىمدى ماسەلەلەرىن, سونىڭ ىشىندە ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ءوزارا ءىس-قيمىلدىڭ قازىرگى جاي-كۇيى مەن الداعى ماقساتتاردى تالقىلادى.
سۇحباتتاستار قوس ەل اراسىنداعى ساياسي ديالوگتىڭ وڭ سەرپىنىن اتاپ ءوتتى. ەرەكشە نازار قازاقستان مەن قىتاي كوشباسشىلارى اراسىنداعى كەزدەسۋلەر بارىسىندا قول جەتكىزىلگەن ۋاعدالاستىقتاردى جۇزەگە اسىرۋعا, سونداي-اق بيىك جانە جوعارى دەڭگەيلەردەگى الداعى ءىس-شارالار كەستەسىنە اۋدارىلدى.
«بيىل استانادا مەملەكەتتەر باسشىلارىنىڭ ءداستۇرلى تۇردە اشىق ءارى سەنىمدى سيپاتتا وتكەن كەلىسسوزدەرىنىڭ قورىتىندىسىنا سايكەس جاڭا ءورشىل ماقساتتار قويىلىپ, ىنتىماقتاستىقتى ودان ءارى دامىتۋ باعىتى ايقىندالدى. ەندىگى ورتاق مىندەتىمىز – قول جەتكىزىلگەن ۋاعدالاستىقتاردى ساپالى ىسكە اسىرۋ ءۇشىن بار كۇشىمىزدى سالۋ», دەدى م.نۇرتىلەۋ.
سونىمەن قاتار ساۋدا-ەكونوميكالىق, ينۆەستيتسيالىق, ەنەرگەتيكالىق جانە ترانزيتتىك-كولىكتىك سالالارداعى ىنتىماقتاستىقتى ودان ءارى كەڭەيتۋ ماسەلەلەرى تالقىلاندى.
كەزدەسۋ سوڭىندا مينيسترلەر وڭىرلىك جانە حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى, سونداي-اق بۇۇ, شىۇ, اوسشك جانە «ورتالىق ازيا – قىتاي» فورماتى سياقتى كوپجاقتى قۇرىلىمدار اياسىنداعى تىعىز ۇيلەستىرۋ مەن ءوزارا ءىس-قيمىلدى جالعاستىرۋعا كەلىستى.
