وسى ارقىلى ونەركاسىپتىك ءوندىرىس, قايتا وڭدەۋ, مەديتسينا, ءبىلىم بەرۋ, تۋريزم, كرەاتيۆتى ەكونوميكا, سپورت پەن الەۋمەتتىك كاسىپكەرلىك سالالارىنداعى كاسىپكەرلەر قارجىلاي قولداۋ العان. بۇگىن باعدارلاما 2019 جىلى ىسكە قوسىلعان ساتتەن باستاپ 2025 جىلدىڭ شىلدەسىنە دەيىن جالپى سوماسى 38,3 ملرد تەڭگەگە 750 جوبا قارجىلاندىردى دەگەن رەسمي دەرەك تارادى.
نەسيەنىڭ ەڭ كوپ بولىگى ءوندىرىس جانە قايتا وڭدەۋ (45%), الەۋمەتتىك كاسىپكەرلىك (21%), تۋريزم (17%), دەنساۋلىق ساقتاۋ (11%), كرەاتيۆتى يندۋستريا (6%) جانە شاعىن ونەركاسىپ پاركتەرىن سالۋ (1%) سالالارىنداعى كاسىپورىندارعا بەرىلدى. اۋماقتىق بولىنىستەگى كوشباسشىلارعا كەلسەك, بوستاندىق اۋدانىنداعى قارجىلاندىرىلعان باستاما – 147, الاتاۋ اۋدانى – 119, المالى اۋدانى – 87, اۋەزوۆ اۋدانى – 84, مەدەۋ اۋدانى – 83, ناۋرىزباي اۋدانى – 65, تۇركسىب اۋدانى – 53 جانە جەتىسۋ اۋدانى – 50 بولدى. جوبالاردى ىسكە اسىرۋ ناتيجەسىندە 5 276 جاڭا جۇمىس ورنى قۇرىلدى.
«Almaty Finance» باسقارما توراعاسى بەرىك قۇسايىنوۆتىڭ ايتۋىنشا, رەۆولۆەرلىك-قايتارۋ تەتىكتىڭ ارقاسىندا بيۋدجەتتەن بولىنگەن 25,6 ملرد تەڭگە جالپى سوماسى 38,3 ملرد تەڭگەگە بيزنەستى جەڭىلدەتىلگەن قارجىلاندىرۋدى قامتاماسىز ەتكەن. باعدارلاما ءوز جۇمىسىن جالعاستىرادى ءارى الماتى كاسىپكەرلەرىن قولداۋدىڭ ءتيىمدى قۇرالى بولىپ تۇر.
«Almaty Business – 2025» شەڭبەرىندە قارجىلاندىرۋعا ونەركاسىپتىك, يننوۆاتسيالىق, ەكسپورتقا باعدارلانعان باستامالار, كرەاتيۆتى يندۋستريالار, الەۋمەتتىك كاسىپكەرلىك, شاعىن وندىرىستىك بيزنەس جوبالارى, سونداي-اق اەا جانە يندۋستريالىق ايماق اۋماعىنداعى بيزنەس-باستامالار جاتادى.
