ءمامس جۇيەسىنە قانداي وزگەرىستەر ەنگىزىلدى

زاڭداعى وزگەرىسكە ساي قىزمەتكەرلەر مەن جۇمىس بەرۋشىلەر ءۇشىن جارنالار بازاسىنىڭ جوعارعى شەگى ارتتىرىلادى. 

ءمامس جۇيەسىنىڭ قارجىلىق تۇراقتىلىعىن قامتاماسىز ەتۋ ءۇشىن 2026 جىلعى 1 قاڭتاردان باستاپ ءمامس جۇيەسىنە جارنالار مەن اۋدارىمداردى ەسەپتەۋ ءۇشىن بازانىڭ جوعارعى شەگىن ارتتىرۋ ۇسىنىلادى.  

ەندى جۇمىس بەرۋشىلەر جارنالاردى 40 ەڭ تومەنگى جالاقىدان (ەتج) اسپايتىن سومادان, ال قىزمەتكەرلەر - 20 ەتج-عا دەيىنگى سومادان اۋداراتىن بولادى.

بۇل شەشىم بيزنەس پەن ازاماتتارعا جۇكتەمەنى ازايتۋعا, ساقتاندىرۋ مودەلىنىڭ تۇراقتىلىعى مەن قارجىلىق تۇراقتىلىعىن ساقتاۋعا, سالىق سالىناتىن بازانىڭ جاڭا شەگىن جۇرگىزۋگە مۇمكىندىك بەرەدى. 

جاڭا وزگەرىس جۇيەنىڭ ادىلدىگىن ارتتىرادى. قازىر تابىسى جوعارى ادامدار پروپورتسيونالدى تۇردە از تولەيدى.

ء مامس قارجىلىق تۇراقتىلىعىن نىعايتىپ, 2026 جىلى قوسىمشا 200 ملرد تەڭگەنى قامتاماسىز ەتەدى.

بۇل شارا قانشا قازاقستاندىققا اسەر ەتەدى؟

ءمامس جارنالارى تابىسى 3 ملن 400 مىڭ تەڭگەدەن اساتىن 20 مىڭ قىزمەتكەر ءۇشىن عانا ۇلعايادى. بۇل ەلدەگى بارلىق جالدامالى جۇمىسشىلاردىڭ 0,36%-ىن قۇرايدى.

جالپى, بۇل نورما 850 مىڭ تەڭگەدەن استام تابىسى بار جالدامالى قىزمەتكەرلەردىڭ 9%-ىنا اسەر ەتەدى. جۇمىسشىلاردىڭ 91%-ى ءۇشىن ەشتەڭە وزگەرمەيدى.

قازىر ورتاشا جالاقىسى 300 مىڭ تەڭگە بولاتىن قىزمەتكەرلەر ءمامس جارناسىن 6 مىڭ تەڭگە نەمەسە تابىستىڭ 2% دەڭگەيىندە تولەيدى.

ورتاشا جالاقىدان 5 ەسە جوعارى 1,5 ملن تەڭگە كىرىس كەزىندە 10 ەتج (850 مىڭ تەڭگە) جوعارعى شەگى ىسكە قوسىلادى, سوندىقتان جارنا 17 مىڭ تەڭگەدەن نەمەسە تابىستىڭ 1,1%-ىنان اسپايدى.

ورتاشا جالاقىدان 10 ەسە جوعارى 3 ملن تەڭگەدەگى تابىستان ءمامس جارناسى 17 مىڭ تەڭگەگە نەمەسە تابىستىڭ 0,6%-نا تەڭ بولىپ قالادى.

وزگەرىستەردەن كەيىن 2026 جىلدان باستاپ ەتج مولشەرىن ەسكەرە وتىرىپ, ءمامس-كە جالدامالى قىزمەتكەرلەر مەن جۇمىس بەرۋشىلەردىڭ جارنالارى مەن اۋدارىمدارىن ەسەپتەۋ ءۇشىن سومانىڭ جوعارعى شەگى:

 قىزمەتكەرلەر ءۇشىن-1,7 ملن تەڭگە جانە ەڭ جوعارى اۋدارىمدار ايىنا 34 مىڭ تەڭگەنى قۇرايدى; 

 جۇمىس بەرۋشىلەر ءۇشىن - 3,4 ملن تەڭگە جانە ەڭ جوعارى اۋدارىمدار ايىنا 102 مىڭ تەڭگەنى قۇرايدى. 

جۇمىسشىلار مەن جۇمىس بەرۋشىلەر ءۇشىن جارنا مولشەرلەمەسى وزگەرمەيدى. ءمامس جۇيەسىنە جارنالار مەن اۋدارىمداردى ەسەپتەۋ ءۇشىن كىرىستەردىڭ جوعارعى شەگى عانا كوتەرىلەدى.

مىسالى, قازىرگى ۋاقىتتا ءمامس جارنالارىن تولەۋ كەزىندە 850 000 تەڭگەدەن جوعارى جالاقى الاتىن ادامداردا تابىسقا پروپورتسيونالدى اراقاتىناستاعى جۇكتەمە تومەن بولادى. مىسالى, 150 000 تەڭگە مولشەرىندە جالاقى الاتىن اۋرۋحاناداعى سانيتار دارىگەر تابىسقا پروپورتسيونالدى تۇردە ءمامس-كە 2% تولەيدى.

سونىمەن قاتار, 3, 4 ملن تەڭگە الاتىن ادام تابىسقا پروپورتسيونالدى قاتىناستا ءمامس-كە 0,5% تولەيدى. بۇل جاعدايدا الەۋمەتتىك تەڭدىك پەن ادىلەتتىلىك قاعيداتىن ساقتاۋ تۋرالى ايتۋ مۇمكىن ەمەس.

مەملەكەت جارنالارىنىڭ مولشەرلەمەلەرىن كەزەڭ-كەزەڭىمەن ارتتىرۋ

بۇگىنگى تاڭدا حالىقتىڭ جەڭىلدەتىلگەن ساناتتارى ءۇشىن مەملەكەتتىڭ ءمامس جارنالارى 2%-دى قۇرايدى. سلوۆاكيادا مولشەرلەمە - 14%, ليتۆادا - 9%, چەحيادا - 14,5%.

 2027 جىلدان باستاپ مەملەكەت جارنالارىن 2037 جىلعا قاراي 2%-دان 4,7%-عا دەيىن كەزەڭ-كەزەڭىمەن ارتتىرۋ كوزدەلگەن. بۇلج ۇمىسشىلار مەن جۇمىس بەرۋشىلەر ءۇشىن جارنالاردى ۇلعايتپاۋعا, ۇزاق مەرزىمدى پەرسپەكتيۆادا مەديتسينالىق كومەكتى قارجىلاندىرۋدىڭ تۇراقتىلىعىن ساقتاۋعا مۇمكىندىك بەرەدى.

ء«بىز ءمامس جۇيەسىن بارلىق قاتىسۋشى ءۇشىن ناقتى, ءادىل جانە تۇسىنىكتى ەرەجەلەرمەن قالىپتاستىرامىز. بۇل جۇيەنىڭ نەگىزگى بەنەفيتسيارى - پاتسيەنت. ءبىزدىڭ مىندەتىمىز - وعان ۋاقتىلى, ساپالى جانە قولجەتىمدى مەديتسينالىق كومەك كورسەتۋ», دەلىنگەن دەنساۋلىق ساقتاۋ مينيسترلىگىنىڭ حابارلاماسىندا.