«ينتەرنەت جەتكەن نۇكتەدەن»

دەپۋتات اۋىل تۇرعىندارىن قابىلدادى وبلىستىق ءماسليحات دەپۋتاتى دميتري گۋساك فەدوروۆ اۋدانىنداعى پەشكوۆ اۋىلى تۇرعىندارىنىڭ ءوتىنىشىن سكايپ ارقىلى تىڭدادى. بۇل «نۇر وتان» پارتياسى مەن «قازپوشتا» اكتسيونەرلىك قوعامى بىرلەسىپ جاساعان «ينتەرنەت جەتكەن نۇكتە» رەسپۋبليكالىق جوباسىنىڭ تۇساۋكەسەرى بولاتىن. اۋىلداستار مەن دەپۋتاتتىڭ سكايپ ارقىلى كەزدەسۋى بىردەن تيىمدىلىگىن كورسەتتى. وبلىس ور­تالىعىنان 120 شاقىرىم جەردە جاتقان پەشكوۆ اۋىلىنان وبلىس ورتالىعىنا ات سابىلتۋ تۇرعىندار ءۇشىن وڭاي ەمەس. اۋىل پوشتاسىنا ورناعان «سكايپقا» الدىمەن پەشكوۆ سەلولىق وكرۋگىنىڭ اكىمى امىربەك ەرجانوۆ شىقتى. ول وبلىستىق ءماسليحات دەپۋتاتى دميتري گۋساكقا اۋىلدىڭ جيىرما جىل بويى اۋىزسۋ ازابىن تارتىپ وتىرعانىن ايتتى. 2008 جىلى گەولوگيالىق بارلاۋ ەكسپەديتسياسى اۋىلدان ءبىر رەت بۇرعىلاعاندا سۋ اششى بولىپ شىققان. سودان كەيىن بۇل ماسەلە قوزعالعان ەمەس, ال اۋىلداستار سۋدان تارىعىپ وتىر. – اۋىزسۋ شالعاي اۋىل ءۇشىن وتكىر ماسەلە ەكەنى انىق. بۇرعىلاۋ جۇمىسى قارجىعا كەلەتىن ماسەلە. سوندىقتان ول جەردە جەراستى تۇششى سۋى بار ما, جوق پا سونى ءبىلىپ الۋىمىز قاجەت, – دەدى وبلىس ءماسليحاتىنىڭ دەپۋتاتى دميتري گۋساك. ول اۋىل اكىمىنە الدىمەن جوبالىق-سمەتالىق قۇجاتتار, اۋدان اكىمىنە, وبلىستىق ماسليحاتقا, «نۇر وتان» پارتياسىنىڭ وب­لىستىق فيليالىنا اۋىل تۇر­عىندارىنىڭ, اۋىل اكىمىنىڭ اتىنان حات جازىلۋ قاجەتتىگىن ءتۇسىندىردى. دەپۋتات حاتتى العان سوڭ, بۇل ماسەلەنى ءماسليحات سەسسياسىندا كوتەرەتىندىگىن, پەشكوۆ اۋىلىنان تۇششى سۋ تابۋ, اۋىزسۋ قۇبىرىن تارتۋ جۇمىستارىنا قاجەتتى قارجى 2016 جىلدىڭ بيۋدجەتىنە جۇكتەلۋىنە كۇش سالاتىندىعىن دا ايتتى. مۇنان كەيىن پەشكوۆ اۋىلىنىڭ تۇرعىنى ريتا گۋز دەپۋتاتقا «اۋىلعا كوگىلدىر وتىن قۇبىرى قاشان تارتىلادى؟» دەپ سۇراق قويدى. پەشكوۆ اۋىلىندا 2800 ادام تۇرادى. ءبىر مەكتەپ, ەكى بالاباقشا بار, جاقىندا اۋرۋحانا سالىندى. وسىنىڭ بارلىعى وت جاعىپ جىلىتىلادى. اۋىل تۇرعىنى وركەنيەتتىڭ جەمىسىن كورگىسى كەلەتىندىگىن ايتتى. دميتري گۋساك اۋدان ورتالىعى – فەدوروۆ اۋىلىنا 2017 جىلى گاز قۇبىرىن تارتۋ جوسپارلانعانىن, الدىمەن ول جەرگە تاراتۋ ستانساسى  سالىنۋى ءتيىس ەكەندىگىن ءتۇسىندىردى. سودان كەيىن عانا اينالاسىنداعى ەلدى مەكەندەردىڭ گازداندىرىلۋى شەشىلەدى. فەدوروۆ پەن پەشكوۆتىڭ اراسى 25 شاقىرىم بولادى. گاز قۇبىرىن تارتۋعا بۇل الىس قاشىقتىق بولىپ سانالادى, ميلليونداعان تەڭگە قارجى كەتەدى. گاز قۇبىرىنان بۇرىن, ونىڭ جوبالىق-سمەتالىق قۇجاتتارىن جاساۋعا, سول ءۇشىن قارجى سۇراۋدى شەشۋ كەرەك ەكەندىگىن ايتتى دەپۋتات. اينالدىرعان ءسۇت ءپىسىرىم ۋا­قىتتا الىستاعى پەشكوۆ اۋى­لىنىڭ تۇرعىندارى وبلىستىق ءماسليحات دەپۋتاتىنان ءوزىن تولعاندىرعان ساۋالدارعا جاۋاپ الدى. باستىسى «ايشىلىق الىس جەرلەردەن جىلدام حابار العىزعان» وركەنيەت جەمىسى – ينتەرنەت مۇمكىندىگى دەگەن وسى. ۇيدە وتىرىپ, ۇلكەن ماسەلەنى شەشۋگە بولادى. ءنازيرا جارىمبەتوۆا, «ەگەمەن قازاقستان». قوستاناي.