فوتو: اشىق دەرەككوز
سينوپتيكتەردىڭ مالىمەتىنشە, ەلىمىزدىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى نايزاعايلى جاڭبىر جاۋادى. 16 شىلدەدە باتىس پەن سولتۇستىك وڭىرلەردە, 17 شىلدەدە سولتۇستىك پەن سولتۇستىك-باتىستا قاتتى جاڭبىر, بۇرشاق جانە جەلدىڭ ەكپىندى كۇشەيۋى كۇتىلەدى. تەك ەلىمىزدىڭ وڭتۇستىگىندە كۇن اشىق, ىستىق جانە جاۋىن-شاشىنسىز بولادى.
رەسپۋبليكا بويىنشا جەلدىڭ كۇشەيۋى, ال تۇندە جانە تاڭەرتەڭ سولتۇستىك-باتىستا تۇمان ءتۇسۋى ىقتيمال.
اپتاپ ىستىق اسىرەسە رەسپۋبليكانىڭ وڭتۇستىك, وڭتۇستىك-باتىس جانە ورتالىق وڭىرلەرىندە بايقالادى:
- 16–17 شىلدە كۇندەرى وڭتۇستىك-باتىستا +39…+44°س,
- 17 شىلدەدە ورتالىقتىڭ كەي ايماقتارىندا +40°س,
- وڭتۇستىكتە +40…+44°س, وڭتۇستىك-شىعىستا +40…+42°س دەيىن ىسيدى.
- سولتۇستىك ايماقتاردا +30…+35°س, ال شىعىستا +35…+38°س شاماسىندا بولادى.
