فوتو: اتىراۋ وبلىسى اكىمدىگى
باسقارمانىڭ ءبولىم باسشىسى ازات قاپانوۆتىڭ ايتۋىنشا, 2024 جىلى وبلىس بويىنشا 8 735 گەكتار جەرگە كوكونىس پەن باقشا ونىمدەرى ەگىلگەن. بۇل كورسەتكىش بىلتىرمەن سالىستىرعاندا 66%-عا كوپ. ياعني, قوسىمشا 3 492 گەكتار جاڭا القاپ يگەرىلگەن.
«بيىل كوكتەمگى دالا جۇمىستارى بەلگىلەنگەن مەرزىمدە, بارلىق اگروتەحنيكالىق تالاپتارعا ساي اياقتالدى. اۋىل شارۋاشىلىعىنىڭ بارلىق باعىتى بويىنشا كورسەتكىش ءوسىپ كەلەدى. ەگىستىك كولەمىنىڭ ارتۋى مەملەكەتتىك قولداۋدىڭ جانە شارۋالاردىڭ جۇيەلى ەڭبەگىنىڭ ناتيجەسى. ماۋسىمدىق جۇمىستارعا قاجەتتى جۇمىس كۇشى دە تولىق قامتىلدى», دەيدى باسقارما وكىلى.
ماۋسىمدىق جۇمىستارعا جۇمىس كۇشىن تارتۋ ءۇشىن 670 شەتەلدىك ازاماتقا كۆوتا بولىنگەن. ونىڭ ىشىندە 501 ادامعا 1 شىلدەدە رەسمي رۇقسات بەرىلگەن. قازىر بۇل جۇمىسشىلار ەگىستىكتەگى ونىمدەردى جيناۋعا كىرىسكەن. العاشقى ناتيجەلەر دە بار. قازىرگە دەيىن 435 گەكتار جەردەن 6 940 توننا ءونىم جينالعان.
سونىمەن قاتار 300 گەكتار القاپتان 1 680 توننا مال ازىعى الىنعان.
