5 ميلليون تەڭگە ماڭعىستاۋلىق باۋىرجان رەتباەۆقا بۇيىردى
جارتى جىلدان بەرى قازاقستان ۇلتتىق تەلەارناسىندا ءجۇرىپ جاتقان «قازاقستان داۋىسى» تەلەۆيزيالىق شوۋى دا اياقتالدى. جوباداعى ەڭ مىقتى ۇمىتكەردىڭ ءبىرى, ەرەكشە داۋىسىمەن كورەرمەندەردىڭ ولشەۋسىز ىقىلاسىنا بولەنگەن ماڭعىستاۋلىق باۋىرجان رەتباەۆ باسەكەلەستەرىن دە مويىنداتتى. ءانشى بايقاۋدىڭ اقتىق سىنىندا كارينا ابدۋللينانىڭ «سەن مۇڭىڭدى بەر ماعان» ءانىن ورىنداپ, ەكىنشى ماۋسىم جەڭىمپازى اتاندى.
الدىن الا ۋادە ەتىلگەندەي, جۇلدەگەرگە – 5 ميلليون تەڭگە تابىستالدى. ال ۇمىتكەردىڭ تالىمگەرى ءانشى الماس كىشكەنباەۆ ابىرويعا بولەندى.
قازىر باۋىرجان ت.جۇرگەنوۆ اتىنداعى قازاق ۇلتتىق ونەر اكادەمياسىندا ەسترادا-ۆوكال ماماندىعى بويىنشا وقيدى. بۇعان دەيىن ش.قالداياقوۆ اتىنداعى حالىقارالىق كونكۋرستا ەكىنشى ورىندى جەڭىپ العان.
كورەرمەندەر ءبىر اۋىزدان «قازاقستان داۋىسى» بايقاۋىنىڭ ءادىل وتكەنىن ايتادى. بۇل تۋرالى جوبا ديرەكتورى كەنجە جۇمان ۇلى:
– جوبا تىكەلەي ەفيردە ءوتكەندىكتەن, ءبارى كورەرمەندەردىڭ قالاۋىنا بايلانىستى بولدى. حالىق جەڭىمپاز رەتىندە باۋىرجاندى كورگىسى كەلدى. باۋىرجان دا سەنىمدى اقتادى. ول بايقاۋدىڭ سوڭعى كەزەڭىندە دانيار يسمايلوۆ, ينديرا ەدىلباەۆا مەن ماقسات ماقۇلبەكوۆتى باسىم داۋىسپەن باسىپ وزدى. باۋىرجان قازاق اندەرىن دە, شەتەل اندەرىن دە ناقىشىنا كەلتىرىپ ورىنداي الادى. وتكەن كەزەڭدە مەيرامبەك بەسباەۆتىڭ «ءومىر-وزەن» ءانىن ورىنداعان كەزدە دە, حالىق «مىنا ءاندى مەيرامبەكتەن دە اسىرىپ ورىنداۋعا بولادى ەكەن-اۋ», دەگەن پىكىر ءبىلدىرىپ جاتتى. بۇل – حالىقتىڭ بەرگەن باعاسى, – دەيدى.
جوباعا قاتىسۋ بارىسىندا سۇيكىمدىلىگىمەن, قاراپايىمدىلىعىمەن جۇرتتى باۋراعان باۋىرجان: «نەگىزى جوبانىڭ «كورمەي تىڭداۋ» كەزەڭى الدىن الا تۇسىرىلگەنى وزدەرىڭىزگە دە بەلگىلى. مەندە سول كەزدە پروديۋسەرىم بولدى. ول – ۇلىقپان جولداسوۆ. بىراق, جوبا كەزىندە باسقا پروديۋسەرلەردەن ۇسىنىس ءتۇستى. الايدا, مەن باس تارتتىم. سەبەبى, تانىمايتىن اداممەن جۇمىس ىستەۋگە قارسىمىن», – دەيدى.
وسىلايشا «قازاقستان داۋىسى» بيىل ەكىنشى ماۋسىمدى قورىتىندىلادى. جوباعا قاتىسۋعا 3,5 مىڭداي ۇمىتكەر تىلەك بىلدىرسە, شىلدە ايىندا باستالعان ىرىكتەۋ سىندارى كەزىندە 130 ونەرپاز تەلەۆيزيالىق نۇسقاعا قاتىستى. سودان بەرى ءانشى بولامىن دەگەندەردىڭ السىزدەرى بىرتىندەپ جوبادان شىعىپ وتىردى.
كەنجە جۇمان ۇلى العاشقى ماۋسىمدا جەڭىمپاز اتانباي-اق, ونەردە جولى بولىپ كەتكەن جاس دارىنداردىڭ بولعانىن ايتادى. ماسەلەن, جوبا بارىسىندا تانىلعان ءانشى مارحابا سابيەۆا بەلورۋسسيادا وتكەن «سلاۆيان بازارى» بايقاۋىندا, سودان كەيىن چەحيادا وتكەن «گاۋھار داۋىس» بايقاۋىندا ءبىرىنشى ورىندى جەڭىپ العان. سول سياقتى «قازاقستان داۋىسى» بايقاۋىنا قاتىسقان بىرقاتار تالانت يەلەرى الماتىعا قونىس اۋدارىپ, پروديۋسەرلەرىن تاۋىپ, ونەر جولىنا ءبىرجولاتا تۇسكەن.
ايناش ەسالي,
«ەگەمەن قازاقستان».
الماتى.
الدىن الا ۋادە ەتىلگەندەي, جۇلدەگەرگە – 5 ميلليون تەڭگە تابىستالدى. ال ۇمىتكەردىڭ تالىمگەرى ءانشى الماس كىشكەنباەۆ ابىرويعا بولەندى.
قازىر باۋىرجان ت.جۇرگەنوۆ اتىنداعى قازاق ۇلتتىق ونەر اكادەمياسىندا ەسترادا-ۆوكال ماماندىعى بويىنشا وقيدى. بۇعان دەيىن ش.قالداياقوۆ اتىنداعى حالىقارالىق كونكۋرستا ەكىنشى ورىندى جەڭىپ العان.
كورەرمەندەر ءبىر اۋىزدان «قازاقستان داۋىسى» بايقاۋىنىڭ ءادىل وتكەنىن ايتادى. بۇل تۋرالى جوبا ديرەكتورى كەنجە جۇمان ۇلى:
– جوبا تىكەلەي ەفيردە ءوتكەندىكتەن, ءبارى كورەرمەندەردىڭ قالاۋىنا بايلانىستى بولدى. حالىق جەڭىمپاز رەتىندە باۋىرجاندى كورگىسى كەلدى. باۋىرجان دا سەنىمدى اقتادى. ول بايقاۋدىڭ سوڭعى كەزەڭىندە دانيار يسمايلوۆ, ينديرا ەدىلباەۆا مەن ماقسات ماقۇلبەكوۆتى باسىم داۋىسپەن باسىپ وزدى. باۋىرجان قازاق اندەرىن دە, شەتەل اندەرىن دە ناقىشىنا كەلتىرىپ ورىنداي الادى. وتكەن كەزەڭدە مەيرامبەك بەسباەۆتىڭ «ءومىر-وزەن» ءانىن ورىنداعان كەزدە دە, حالىق «مىنا ءاندى مەيرامبەكتەن دە اسىرىپ ورىنداۋعا بولادى ەكەن-اۋ», دەگەن پىكىر ءبىلدىرىپ جاتتى. بۇل – حالىقتىڭ بەرگەن باعاسى, – دەيدى.
جوباعا قاتىسۋ بارىسىندا سۇيكىمدىلىگىمەن, قاراپايىمدىلىعىمەن جۇرتتى باۋراعان باۋىرجان: «نەگىزى جوبانىڭ «كورمەي تىڭداۋ» كەزەڭى الدىن الا تۇسىرىلگەنى وزدەرىڭىزگە دە بەلگىلى. مەندە سول كەزدە پروديۋسەرىم بولدى. ول – ۇلىقپان جولداسوۆ. بىراق, جوبا كەزىندە باسقا پروديۋسەرلەردەن ۇسىنىس ءتۇستى. الايدا, مەن باس تارتتىم. سەبەبى, تانىمايتىن اداممەن جۇمىس ىستەۋگە قارسىمىن», – دەيدى.
وسىلايشا «قازاقستان داۋىسى» بيىل ەكىنشى ماۋسىمدى قورىتىندىلادى. جوباعا قاتىسۋعا 3,5 مىڭداي ۇمىتكەر تىلەك بىلدىرسە, شىلدە ايىندا باستالعان ىرىكتەۋ سىندارى كەزىندە 130 ونەرپاز تەلەۆيزيالىق نۇسقاعا قاتىستى. سودان بەرى ءانشى بولامىن دەگەندەردىڭ السىزدەرى بىرتىندەپ جوبادان شىعىپ وتىردى.
كەنجە جۇمان ۇلى العاشقى ماۋسىمدا جەڭىمپاز اتانباي-اق, ونەردە جولى بولىپ كەتكەن جاس دارىنداردىڭ بولعانىن ايتادى. ماسەلەن, جوبا بارىسىندا تانىلعان ءانشى مارحابا سابيەۆا بەلورۋسسيادا وتكەن «سلاۆيان بازارى» بايقاۋىندا, سودان كەيىن چەحيادا وتكەن «گاۋھار داۋىس» بايقاۋىندا ءبىرىنشى ورىندى جەڭىپ العان. سول سياقتى «قازاقستان داۋىسى» بايقاۋىنا قاتىسقان بىرقاتار تالانت يەلەرى الماتىعا قونىس اۋدارىپ, پروديۋسەرلەرىن تاۋىپ, ونەر جولىنا ءبىرجولاتا تۇسكەن.
ايناش ەسالي,
«ەگەمەن قازاقستان».
الماتى.
