وفيتسەرلەر

مايدانگەر اتالارى تۋرالى جىلناما جازۋعا ءازىر قر قارۋلى كۇشتەرىندە جە­ڭىستىڭ 70 جىلدىعىنا وراي­لاستىرىلعان «ماڭگى ەسىمىزدە» اتتى اكتسيا باستالدى. ول ۇلى وتان سوعىسىنىڭ ۇرىس دالاسىندا ەرلىكپەن شايقاسقان تۋعان-تۋىستارى, تانىستارى تۋرالى دەرەكتەرمەن بولىسكىلەرى كەلەتىن اسكەري قىزمەتشىلەردىڭ باستارىن  بىرىكتىرىپ وتىر. اكتسياعا العاشقى بولىپ قاتى­سۋشىلاردىڭ ءبىرى مايور رۋس­لان دارماحانوۆ ءوزىنىڭ اتاسى حا­ليلۋللا دارماحان ۇلى: «مينو­مەت باتارەياسىنىڭ ۆزۆود كومان­ديرى بولا تۇرىپ, مەنىڭ اتام ارميا گەنەرالى  ساعادات نۇرما­عامبەتوۆتىڭ قاراماعىندا بولىپ­تى. ستالينگراد شايقاسىنا قاتىس­قان. مەن اتامنىڭ ارامىزدا امان-ەسەن جۇرگەنىنە قۋانامىن جانە سوعىس جايلى ساباقتاعان اڭگى­مەلەرىنەن بەيبىتشىلىك, قۇرمەت, دوستىق ورناعان مەملەكەتتە تۇرۋ­دىڭ قادىرىن تۇسىنەمىن», دەيدى اكتسياعا تاعى دا ءبىر قاتىسۋشى پودپولكوۆنيك ەرجان الدىباەۆ اعاسى جايلى: «اعامنىڭ مايدانعا 1941 جىلى كەتكەنىن بىلەمىن. اتقىشتار ۆزۆودىنىڭ كومانديرى بولعان.1945 جىلدىڭ قاڭتار ايىندا ۆارشاۆا تۇبىندەگى شايقاستا قازا تاپتى. مەن اعامنىڭ مايدان شەبىنەن جازعان حاتتارىن وقىپ,  شەكسىز ماقتان تۇتامىن.  سوندىقتان دا ءوز ءومىرىمدى اسكەرمەن بايلانىستىرىپ, قازاقستان قارۋلى كۇشتەرىنە ادال قىزمەت ەتىپ كە­لەمىن. جان تۇرشىگەرلىك سوعىسقا ءاربىر قاتىسۋشىنىڭ ەرەن ەرلىگى تۋرالى ەستەلىككە ەشقانداي باعا جەتپەيدى», دەپ ەسكە الادى. «ماڭگى ەسىمىزدە» اكتسياسى ءوزىمىز ءۇشىن سوعىستىڭ جاڭا باتىرلارىن اشۋعا, ولاردىڭ تاريحىمەن, تاعدىرىمەن تانىسۋعا ۇلكەن مۇمكىندىك بەرەدى. ۇلى وتان سوعىسىنىڭ بەينەسى تاريحي دەرەكتەردەن, سوعىس ارداگەرلەرىنىڭ, ولاردىڭ تۋىستارى مەن تانىس­تارىنىڭ اڭگىمەلەرىنەن, مايدان­نان كەلگەن حاتتار مەن كۇندەلىك­تەردەن جينالعان دەرەكتەردەن قۇ­رالادى. اكتسيا شەڭبەرىندە جي­نالعان سۋرەتتەر ءبىر ۇلكەن موزايكا-سۋرەتكە اينالادى. ولار باننەرلەرگە ­باسىلىپ شىعارىلىپ, بۇكىل قا­زاق­ستان بويىنشا اسكەري ءبولىم­دەر­گە تاراتىلادى جانە استانا قالاسىندا اسكەري قىزمەتشىلەردىڭ قاتىسۋىمەن سال­تاناتتى تۇردە نازارعا ۇسى­نىلاتىن بولادى.   «ەگەمەن-اقپارات».