فوتو: اشىق دەرەككوز
جەرگىلىكتى بيلىكتىڭ مالىمەتىنشە, ءىز-ءتۇزسىز كەتكەندەردى ىزدەۋ-قۇتقارۋ جۇمىستارى ءالى دە جالعاسىپ جاتىر. اتالعان اپات اقش-تا سوڭعى جارتى عاسىردا تىركەلگەن ەڭ ادام شىعىنى كوپ سۋ تاسقىنى رەتىندە باعالانىپ وتىر.
تابيعي اپاتتان ەڭ كوپ زارداپ شەككەن كەرر وكرۋگىندە 95 ادام كوز جۇمعانى راستالعان.
تەحاس شتاتىنىڭ گۋبەرناتورى گرەگ ەببوتت سەيسەنبى كەشكە جاساعان مالىمدەمەسىندە, شتات بويىنشا 173 ادامنىڭ ءالى دە ىزدەستىرىلىپ جاتقانىن ايتقان. ول اپات قۇرباندارىن ەسكە الۋ ءۇشىن 14 شىلدە كۇنى كۇن شىققانعا دەيىن تەحاس شتاتىنىڭ تۋىن تومەن ءتۇسىرۋدى بۇيىرعان.
ەستەرىڭىزگە سالا كەتەيىك, سۋ تاسقىنى جۇما كۇنى تاڭەرتەڭ سان-انتونيودان سولتۇستىك-باتىسقا قاراي شامامەن 140 شاقىرىم جەردە باستالعان. قاتتى نوسەردىڭ سالدارىنان گۆادەلۋپە وزەنى ارناسىنان شىعىپ كەتكەن.
اقش-تىڭ جەتەكشى اقپارات قۇرالدارى تەحاستاعى سۋ تاسقىنىن جانە جازعى لاگەردەن جوعالعان بالالار وقيعاسىن سوڭعى جىلدارداعى ەڭ ءىرى تراگەديالاردىڭ ءبىرى دەپ اتادى.
