فوتو: ءماجىلىستىڭ ءباسپاسوز قىزمەتى
ايتا كەتەيىك, جوبا اياسىندا 11 400 وقۋشىعا ارنالعان 14 مەكتەپ سالىنادى. ونىڭ ىشىندە 2 مەكتەپ بىلتىر پايدالانۋعا بەرىلسە, جاڭا وقۋ جىلىنا دەيىن تاعى 3200 ورىنعا ارنالعان 4 مەكتەپ قولدانىسقا بەرىلەدى. سونىڭ ءبىرى – اقتوبە قالاسىنداعى ساياجاي-1 تۇرعىن الابىندا سالىنىپ جاتقان 300 ورىندىق ءبىلىم ورداسى. بۇل «AMANAT» پارتياسىنىڭ سايلاۋالدى باعدارلاماسىن جۇزەگە اسىرۋ جونىندەگى جول كارتاسىنا ەنگىزىلگەن.
«وقۋشى ورىندارىنىڭ تاپشىلىعىن جويۋ – پارتيا باعدارلاماسىنداعى باسىم باعىتتاردىڭ ءبىرى. بۇل مەكتەپ №50 مەكتەپتەگى ورىن تاپشىلىعى ماسەلەسىن شەشۋگە كومەكتەسەدى. سونىمەن قاتار زاماناۋي ءبىلىم بەرۋ مەكەمەسى سوڭعى تەحنولوگيالارمەن جابدىقتالىپ, بالالاردىڭ جان-جاقتى دامۋىنا تولىق مۇمكىندىك بەرەدى. جالپى «جايلى مەكتەپ» جوباسى ارقىلى جىل سوڭىنا دەيىن ءۇش اۋىسىممەن وقىتۋ ماسەلەسى تۇبەگەيلى شەشىلەدى», دەدى ق.الىشەۆ.
ايتا كەتەيىك, مەكتەپتىڭ قۇرىلىسى 2023 جىلى باستالعان. جوبانىڭ جالپى قۇنى 3,53 ملرد تەڭگە, عيماراتتىڭ اۋدانى 6 مىڭ شارشى مەتردەن اسادى.
سونىمەن قاتار نىساندى ارالاۋ بارىسىندا دەپۋتات مەكتەپتىڭ حيميا ءپانى كابينەتتەرىنىڭ جابدىقتالۋىنا بايلانىستى ەسكەرتۋ جاساعان.
«بالالار لابوروتوريالىق جۇمىس جاساعان كەزدە زياندى زاتتارمەن ۋلانۋ قاۋپىنەن ساقتانۋ ءۇشىن حيميا ءپانى كابينەتىندە اۋا سورعىش قۇرىلعىلارى كوپ بولۋى كەرەك. ەگەر ول سانيتارلىق-ەپيدەميولوگيالىق باقىلاۋ تالاپتارىندا بولماسا, ءبىز زاڭعا وزگەرىستەر ەنگىزۋگە دايىنبىز», دەدى ول.
ساپار بارىسىندا قازىبەك الىشەۆ اقتوبە وبلىسىنداعى «جايساڭ» شەكارا بەكەتىنىڭ جۇمىسىمەن دە تانىستى. بۇدان بولەك, مارتوك اۋىلىندا سالىنىپ جاتقان ءورت ءسوندىرۋ دەپوسىنىڭ قۇرىلىسىن ارالادى. بۇل نىسان دا پارتيانىڭ جول كارتاسىنا سايكەس بيىل پايدالانۋعا بەرىلۋى ءتيىس.
سونداي-اق دەپۋتات شالقار اۋدانىنا قاراستى بوزوي اۋىلىندا جەرگىلىكتى تۇرعىندارمەن كەزدەسىپ, سپورت كەشەنى, مەكتەپ, جازعى فۋتبول الاڭى جانە جول قۇرىلىسى سىندى ماڭىزدى ماسەلەلەردى تالقىلادى. كەزدەسۋدە سۇيىتىلعان گاز تاپشىلىعى مەن ونى جەتكىزۋ ماسەلەسى دە كوتەرىلدى.
