وتكەن جىلعى كورسەتكىشپەن سالىستىرعاندا رەسپۋبليكامىز ءوز پوزيتسياسىن جاقسارتىپ, ورتالىق ازيا وڭىرىندەگى ەڭ ىنتىماقشىل ەل رەتىندە تانىلدى. كورشىلەر اراسىندا ەلىمىز 67-ءشى ورىن العان وزبەكستاننان, 78-ءشى ورىنداعى قىرعىزستاننان, 79-شى ورىنداعى تاجىكستاننان جانە 87-ءشى ورىندى يەلەنگەن تۇرىكمەنستاننان وزىپ, العا شىقتى.
جالپى, الەمدىك رەيتينگتە يسلانديا, يرلانديا جانە جاڭا زەلانديا كوش باستاپ تۇر. بۇل ەلدەر ءداستۇرلى تۇردە قاۋىپسىزدىكتىڭ جوعارى دەڭگەيىمەن, قىلمىستىڭ تومەندىگىمەن جانە حالىقارالىق قاقتىعىستارعا قاتىسپاۋىمەن ەرەكشەلەنەدى. ال رەسەي رەيتينگتە سوڭعى, 163-ءشى ورىنعا, ۋكراينا – 162-ءشى ورىنعا توقتاعان. امەريكا قۇراما شتاتتارى – 128-ءشى, يزرايل – 155-ءشى ورىندا.
جاھاندىق بەيبىتشىلىك يندەكسى ەلدەگى قىلمىس دەڭگەيى, قاقتىعىستارعا قاتىسۋ, ساياسي تۇراقتىلىق, اسكەري الەۋەتتى ارتتىرۋ سياقتى ءارتۇرلى اسپەكتىلەردى قاراستىرادى. مامانداردىڭ پىكىرىنشە, قازاقستان پوزيتسياسىنىڭ جاقسارۋى ىشكى تۇراقتىلىقتىڭ وسۋىمەن, مەملەكەتتەگى قاقتىعىستار مەن تارتىپسىزدىكتەر ىقتيمالدىعىنىڭ ازايۋىمەن بايلانىستى. دەگەنمەن, ولار قوعامداعى سەنىمدىلىك دەڭگەيىن ارتتىرۋ بويىنشا جۇمىستى جالعاستىرۋ جانە حالىقارالىق ارەنادا جانجالداردىڭ الدىن الۋدا كۇش-جىگەردى ارتتىرۋ قاجەتتىگىن اتاپ كورسەتەدى.
