قازاقستاندىق مانەرلەپ سىرعاناۋشى, وليمپيالىق ويىنداردىڭ قولا جۇلدەگەرى دەنيس تەن وڭتۇستىك كورەيانىڭ استاناسى سەۋل قالاسىندا مارەگە جەتكەن «ءتورت قۇرلىق تۋرنيرىندە» ءبىرىنشى ورىندى جەڭىپ الدى.
الدىمەن قىسقا باعدارلامادا 97,61 ۇپايمەن توپ باسىنا شىققان دەنيس ەركىن باعدارلاما سايىسىندا دا الدىنا جان سالمادى. بارلىق جاتتىعۋلارىن جوعارى دەڭگەيدە ورىنداعان ول 191,85 ۇپاي الىپ, قوس جاتتىعۋدىڭ قورىتىندىسىندا 289,46 بالل جينادى. ءسويتىپ, «ءتورت قۇرلىق تۋرنيرىندە» باس جۇلدەگەر اتانعان ءبىرىنشى قازاقستاندىق سپورتشى اتاندى.
ايتا كەتەتىن جايت, بۇل وسى ماۋسىمداعى ەڭ ۇزدىك ناتيجە بولدى.
تۋرنيردە اقش سەنىمىن ارقالاپ كەلگەن دجوشۋا فارريس جارىستا 260,01 ۇپايمەن ەكىنشى ورىن السا, قىتايلىق يان حان قولا جۇلدەگە قول سوزدى. بۇلاردىڭ ءبىرىنشىسى 260,01 بالل جيناسا, ەكىنشىسىنىڭ جەتىستىگى 259,47 ۇپايعا تەڭەستى.
جارىسقا قاتىسقان تاعى ءبىر جەرلەسىمىز ابزال راحىمعاليەۆ 168,10 ۇپايمەن تۋرنير كەستەسىنىڭ 20-ورنىنا جايعاستى.
ەندى دەنيس تەن ناۋرىز ايىندا قىتايدىڭ شانحاي قالاسىندا وتەتىن الەم چەمپيوناتىنا قاتىساتىن بولادى.
دامير قوجامقۇل.
الدىمەن قىسقا باعدارلامادا 97,61 ۇپايمەن توپ باسىنا شىققان دەنيس ەركىن باعدارلاما سايىسىندا دا الدىنا جان سالمادى. بارلىق جاتتىعۋلارىن جوعارى دەڭگەيدە ورىنداعان ول 191,85 ۇپاي الىپ, قوس جاتتىعۋدىڭ قورىتىندىسىندا 289,46 بالل جينادى. ءسويتىپ, «ءتورت قۇرلىق تۋرنيرىندە» باس جۇلدەگەر اتانعان ءبىرىنشى قازاقستاندىق سپورتشى اتاندى.
ايتا كەتەتىن جايت, بۇل وسى ماۋسىمداعى ەڭ ۇزدىك ناتيجە بولدى.
تۋرنيردە اقش سەنىمىن ارقالاپ كەلگەن دجوشۋا فارريس جارىستا 260,01 ۇپايمەن ەكىنشى ورىن السا, قىتايلىق يان حان قولا جۇلدەگە قول سوزدى. بۇلاردىڭ ءبىرىنشىسى 260,01 بالل جيناسا, ەكىنشىسىنىڭ جەتىستىگى 259,47 ۇپايعا تەڭەستى.
جارىسقا قاتىسقان تاعى ءبىر جەرلەسىمىز ابزال راحىمعاليەۆ 168,10 ۇپايمەن تۋرنير كەستەسىنىڭ 20-ورنىنا جايعاستى.
ەندى دەنيس تەن ناۋرىز ايىندا قىتايدىڭ شانحاي قالاسىندا وتەتىن الەم چەمپيوناتىنا قاتىساتىن بولادى.
دامير قوجامقۇل.
