ءال-فارابي اتىنداعى قازاق ۇلتتىق ۋنيۆەرسيتەتىندە پارلامەنت ءماجىلىسىنىڭ حالىقارالىق ىستەر, قورعانىس جانە قاۋىپسىزدىك جونىندەگى كوميتەتىنىڭ مۇشەسى, حالىق قالاۋلىسى قۋانىش سۇلتانوۆتىڭ قاتىسۋىمەن «تۇراعى ءبىر, ۇرانى ءبىر, بۇگىنى – بەرەن, ەرتەڭى – ەرەن» اتتى پاتريوتتىق كەزدەسۋ شاراسى بولىپ ءوتتى.
مەملەكەتتىڭ ىشكى بىرلىگى مەن ىنتىماعىن ناسيحاتتايتىن بۇل شاراعا ءال-فارابي اتىنداعى ءبىلىمنىڭ قاراشاڭىراعىن باسقارىپ وتىرعان عالىم مۇتانوۆ, «قازاق گازەتتەرى» جشس-ءنىڭ باس ديرەكتورى جۇمابەك كەنجالين, قازاقستان رەسپۋبليكاسى پرەزيدەنتى ءباسپاسوز قىزمەتىنىڭ الماتى بولىمشەسىنىڭ باسشىسى ۆالەري جانداۋلەتوۆ, بەلگىلى جازۋشى روللان سەيسەنباەۆ, «مىسل» جۋرنالىنىڭ رەداكتورى سەيداحمەت قۇتتىقادام, قازاقستان جۋرناليستەر اكادەمياسىنىڭ پرەزيدەنتى ساعىمباي قوزىباەۆ قاتىستى.
كەزدەسۋدە مەملەكەت باسشىسى نۇرسۇلتان نازارباەۆتىڭ باستاماسىمەن قۇرىلعان قازاقستاندى مەكەن ەتۋشى بارشا ۇلت وكىلدەرىنىڭ كيەلى شاڭىراعى جانە ونىڭ ەل بىرلىگى مەن ىنتىماعىنا قوسىپ وتىرعان ۇلەسى ءسوز بولدى.
– ەلىمىز الەمدە تولەرانتتىلىق پەن ىنتىماقتى قوعامنىڭ ۇلگىسى رەتىندە ناسيحاتتالىپ كەلەدى. ءتۇرلى ۇلت وكىلدەرى, ەتنوستىق توپتار, وزگە ءدىن يەلەرى تەڭ دارەجەدە ەلدەگى مەملەكەتتىلىكتىڭ نىعايۋىنا ۇلەس قوسۋ ۇستىندە, – دەدى كەزدەسۋ بارىسىندا دەپۋتات ق.سۇلتانوۆ.
بۇدان وزگە, ۋنيۆەرسيتەت وقىتۋشىلارى مەن ستۋدەنتتەرى الدىندا سويلەگەن سوزىندە حالىق قالاۋلىسى قازاقستانداعى وزگە ۇلت وكىلدەرى قازاق تاريحىمەن ەتەنە تانىسۋى كەرەكتىگىن, قازاق ۇلتىنىڭ سالت-ءداستۇرى مەن ادەت-عۇرپىنا كوڭىل اۋدارۋ قاجەتتىلىگىن دە تىلگە تيەك ەتتى. كەزدەسۋ سوڭىندا جاستار دەپۋتاتقا سۇراقتارىن قويىپ, وزدەرىنە كەرەكتى اقپاراتىنا قانىقتى. ۋنيۆەرسيتەت باسشىسى عالىم مۇتانوۆ دەپۋتات قۋانىش سۇلتانوۆتىڭ كەۋدەسىنە «ءال-فارابي اتىنداعى قازۇۋ-گە – 80 جىل» التىن بەلگىسىن تاقتى.
اتالعان شارا قازاقستان حالقى اسسامبلەياسىنىڭ 20 جىلدىق مەرەيتويى قارساڭىندا ۇيىمداستىرىلدى.
قانات ەسكەندىر,
«ەگەمەن قازاقستان».
الماتى.
