سيرەك قولجازبالار قورىندا بولدى

سەنبى كۇنى قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا الماتىعا جۇمىس ساپارى بارىسىندا م.و.اۋەزوۆ اتىنداعى ادەبيەت جانە ونەر ينستيتۋتىنىڭ عىلىمي ۇجىمىمەن كەزدەستى. 80 جىلدىق تاريحى بار ينستيتۋت ادەبيەتتانۋ, فولكلوريستيكا مەن ونەرتانۋ سالالارىنىڭ باستى عىلىمي ورتالىعى سانالادى. الدىمەن مەملەكەتتىك حاتشى ينستيتۋتتىڭ 500 مىڭنان استام قۇندى قۇجاتتار ساقتالعان سيرەك قولجازبالار قورىمەن تانىستى. ىرگەلى «بابالار ءسوزى» 100 تومدىعى وسى قور ماتەريالدارىنىڭ نەگىزىندە ازىرلەنگەن. كەزدەسۋ بارىسىندا ينس­تيتۋت ديرەكتورى, قر ۇعا كوررەس­پوندەنت-مۇشەسى, فيلولوگيا عىلىمدارىنىڭ دوكتورى ءۋاليحان قاليجانوۆ عىلىمي ورتالىق اتقارىپ وتىرعان اۋقىمدى زەرتتەۋلەر مەن باستامالار تۋرالى جان-جاقتى اڭگىمەلەپ, كەڭىنەن اقپار بەردى.  ءوز كەزەگىندە ينستيتۋت عالىمدارى ىرگەلى دە ىلكىمدى جوبالار جايىندا باياندادى. مەملەكەتتىك حاتشىنىڭ عا­لىم­دارمەن اڭگىمەلەسۋى كە­زىندە تاۋەلسىز قازاقستاننىڭ ادەبيەتتانۋى مەن ونەرتانۋىنىڭ قازىرگى زا­مانعى ۇردىستەرىن زەردەلەۋ, «قازاقستان-2050» سترا­تەگياسى مەن مەملەكەت باس­شىسىنىڭ «نۇرلى جول – بولاشاققا باستار جول» اتتى جولداۋىنىڭ نەگىزىندە حالىقتىڭ جالپىۇلتتىق قۇندىلىقتارىن ىلگەرىلەتۋ ماسەلەلەرى تالقىلاندى. سونىمەن قاتار, ينستيتۋتتىڭ قازاق دياسپورالارى كوپ شوعىر­لانعان وزبەكستان, رەسەي, قى­تاي جانە موڭعوليا ەلدە­رىنە ۇيىمداستىرعان عىلى­مي ەكس­پەديتسيالارىنىڭ قورى­تىندىلارى بويىنشا «شەت­ەل قازاقتارىنىڭ ونەرى», «شەتەل­دەردەگى قازاق ادەبيەتى», «شەتەل­دەردەگى قازاق فولكلورى» اتتى مونوگرافيالار جارىق كوردى. ينستيتۋت قازاقستان حال­قى اسسامبلەياسى جىلى قار­ساڭىندا قازاقستاندى مە­كەندەگەن ەتنوس­تاردىڭ فولكلورىن, ادەبيەتى مەن ونەرىن زەرتتەۋگە ارنالعان  «قازاقستان حالقىنىڭ تەاتر ونەرى», «قازىرگى كەزەڭدەگى قازاقستان حالقىنىڭ ادەبيەتى», «استانا: گەوساياسي كوشباسشىلىقتان مادەني سان الۋاندىققا», «كونە تۇركى ادەبيەتىنىڭ تيپولوگياسى» سياقتى بىرقاتار ۇجىمدىق مونوگرافيالاردى جارىققا شىعاردى. گ.ابدىقالىقوۆا, سونداي-اق, ينستيتۋتقا قاراستى مۇحتار اۋەزوۆ مەموريالدىق مۋزەي-ۇيىندە بولىپ, قۇرمەتتى قو­ناقتار كىتابىنا قولتاڭباسىن قالدىردى. ايناش ەسالي, «ەگەمەن قازاقستان». الماتى. سۋرەتتى تۇسىرگەن بوريس بۋزين.