ولجاس قۇسپەكوۆ قازاق-قىرعىز شەكاراسىنداعى «بەساعاش» اۆتوموبيل وتكىزۋ بەكەتىنە ەرەكشە نازار اۋداردى. وتكىزۋ پۋنكتىنىڭ ينفراقۇرىلىمىن ارالاپ, جۇمىسشىلارمەن اڭگىمەلەستى.
«باقىلاۋ بەكەتتەرىنىڭ ءتيىمدى جۇمىسى – تەك ماتەريالدىق-تەحنيكالىق قامتاماسىز ەتۋ عانا ەمەس, ۇلتتىق قاۋىپسىزدىكتى قامتاماسىز ەتۋ ماسەلەسى. بۇل سالاداعى ينفراقۇرىلىمدى دەر كەزىندە جاڭعىرتۋ ماڭىزدى», دەدى و.قۇسپەكوۆ.
بۇعان دەيىن دەپۋتات ەسكىرگەن شەكارا زاستاۆالارىن قايتا جاڭعىرتۋ جانە جاڭادان سالۋ ماسەلەسىن ماجىلىستە كوتەرگەن بولاتىن. بۇگىندە بۇل جوبانى بيىل ىسكە اسىرۋ شارالارى ءتيىستى ورگاندارمەن بىرلەسىپ قاراستىرىلىپ جاتىر.
ساپار بارىسىندا ولجاس قۇسپەكوۆ قازاقستان رەسپۋبليكاسى ۇلتتىق ۇلانىنىڭ №5513 اسكەري ءبولىمى مەن وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ جۇمىسىمەن تانىستى. سونداي-اق قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتىنىڭ اسكەري كافەدراسىندا بولىپ, كادر دايارلاۋ جانە جاستاردى پاتريوتتىققا تاربيەلەۋ ماسەلەلەرىن تالقىلادى.
