فوتو: قر تۋريزم جانە سپورت ءمينيسترى
كەزدەسۋ بارىسىندا تاراپتار سپورت سالاسىنداعى ءوزارا ءىس-قيمىلدىڭ باسىم باعىتتارىن, اتاپ ايتقاندا, سپورت كادرلارىن دايارلاۋ, پاراليمپيادالىق سپورتتى ىلگەرىلەتۋ جانە ۇلتتىق سپورت تۇرلەرىن بىرلەسە دامىتۋ ماسەلەلەرىن جان-جاقتى تالقىلادى.
بۇدان بولەك, قاراشا ايىندا تۇركىستان قالاسىندا قازاقستان مەن وزبەكستان قۇرامالارى اراسىندا جولداستىق فۋتبول كەزدەسۋىن وتكىزۋ جوسپارلانسا, 2026 جىلى استانادا وتەتىن حالىقارالىق «بولاشاق ويىندارىنا» وزبەك دەلەگاتسياسىنىڭ قاتىسۋى تۋرالى كەلىسىمدەر پىسىقتالدى.
مينيستر ەربول مىرزابوسىنوۆ ءوز سوزىندە قوس ەل اراسىنداعى تاريحي تامىرلاستىق پەن مادەني جاقىندىقتىڭ ماڭىزىن اتاپ ءوتتى.
«قازاقستان مەن وزبەكستان – سپورت سالاسىنداعى ستراتەگيالىق سەرىكتەستەر. ءبىزدى ورتاق ماقساتتار, سونداي-اق تاريحي جانە مادەني بايلانىستار بىرىكتىرەدى. ەكى ەل اراسىنداعى پراكتيكالىق ىنتىماقتاستىقتى كەڭەيتۋ سپورت سالاسىنىڭ دامۋىنا تىڭ سەرپىن بەرەتىنىنە سەنىمدىمىن», دەدى ەربول مىرزابوسىنوۆ.
ول سونداي-اق استانادا بوي كوتەرگەن ۇلتتىق سپورت ۋنيۆەرسيتەتىنىڭ قۇرىلىسى اياقتالعانىن حابارلاپ, وزبەك تاراپىن سپورتتىق ءبىلىم بەرۋ سالاسىندا ىنتىماقتاستىق ورناتۋعا شاقىردى.
«قازاقستان ۇلتتىق وليمپيادا كوميتەتى ارقاشان ىنتىماقتاستىققا اشىق ءارى ارىپتەستەرىمىزدىڭ باستامالارىن جوعارى باعالايدى. اسىرەسە, وليمپيادالىق قوزعالىس اياسىنداعى بىرلەسكەن جۇمىستىڭ ماڭىزى زور. مۇنداي كەزدەسۋلەر ءوزارا ارىپتەستىكتى نىعايتىپ, ەلدەرىمىزدە سپورتتى دامىتۋعا جاڭا مۇمكىندىكتەر اشادى», دەدى گەننادي گولوۆكين.
كەزدەسۋ قورىتىندىسىندا ەكى ەل وكىلدەرى سپورتتىق بايلانىستى ودان ءارى دامىتىپ, تۇراقتى ديالوگ پەن ءوزارا قولداۋعا نەگىزدەلگەن سەرىكتەستىكتى جالعاستىرۋعا نيەتتى ەكەنىن مالىمدەدى.
