پەتروپاۆل قالاسىندا ەلباسى نۇرسۇلتان نازارباەۆ ۇسىنعان بەس ينستيتۋتتىق رەفورما اياسىنداعى «100 ناقتى قادام» ۇلت جوسپارىن ىسكە اسىرۋ ماسەلەلەرىن تالقىلاۋ بويىنشا كەزدەسۋ ءوتتى, وعان مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى توراعاسىنىڭ مىندەتىن اتقارۋشى قۋانىش اسىلوۆ قاتىستى.
كەزدەسۋگە سولتۇستىك قازاقستان وبلىسى اكىمىنىڭ ورىنباسارى ا.دۇيسەنوۆا, مەملەكەتتىك ورگانداردىڭ باسشىلارى, وبلىستىق ءماسليحات دەپۋتاتتارى, پارتيا, قۇقىق قورعاۋ, كاسىپوداق, ارداگەرلەر كەڭەسى, بيزنەس قۇرىلىم, ۇكىمەتتىك ەمەس ۇيىمدار وكىلدەرى, وڭىردەگى ەتنومادەني بىرلەستىكتەر باسشىلارى, كاسىپكەرلەر, سپورتشىلار مەن زيالى قاۋىم وكىلدەرى قاتىستى. قاتىسۋشىلار دوڭگەلەك ۇستەلدە قازاقستاندىق بىرتەكتىلىكتى نىعايتۋ جانە قازاقستان بىرلىگىن دامىتۋ ماسەلەلەرىن جان-جاقتى تالقىلادى.
ق.اسىلوۆ ءوز سوزىندە مەملەكەتتىك ورگاندار ۇلت جوسپارىن ىسكە اسىرۋدا نورماتيۆتىك-قۇقىقتىق, ۇيىمداستىرۋشىلىق جانە يدەولوگيالىق سۇيمەلدەۋ بويىنشا كەشەندى جۇمىستاردى جۇرگىزۋدە ەكەنىن اتاپ ءوتتى, «ماڭگىلىك ەل», «ۇلكەن ەل – ۇلكەن وتباسى», «مەنىڭ ەلىم» جانە باسقا دا اۋقىمدى جوبالاردى ىسكە اسىرۋ اياسىندا قابىلدانىپ جاتقان شارالار جونىندە جان-جاقتى باياندادى.
ق.اسىلوۆ بارلىعىمىزدىڭ الدىمىزدا ۇلت جوسپارىندا كورسەتىلگەن قازاقستان قوعامىن جاڭعىرتۋ مەن قازاقستان مەملەكەتتىلىگىن نىعايتۋ جونىندەگى ەلباسى نۇرسۇلتان نازارباەۆتىڭ تاپسىرمالارىن ورىنداۋ بويىنشا ۇلكەن مىندەتتەر تۇرعانىن اتاپ ءوتتى.
مەملەكەتتىك ورگاندار مەن قوعام وكىلدەرى وزدەرىنىڭ سوزدەرىندە ۇلت جوسپارى باسىمدىقتارىن اشىپ كورسەتتى, ونى ىسكە اسىرۋدىڭ نەگىزگى تاسىلدەرى بويىنشا ءارتۇرلى پىكىرلەر مەن ۇسىنىستار ءبىلدىردى. ءىس-شاراعا قاتىسۋشىلار «100 ناقتى قادام» – بۇل بارلىق قازاقستاندىقتار اتقارۋى قاجەت مەملەكەت جانە قوعام ءۇشىن ماڭىزدى ستراتەگيا دەگەن پىكىرگە توقتالدى.
كەزدەسۋ قورىتىندىسى بويىنشا مەملەكەت باسشىسى ۇسىنعان 100 ناقتى قادامدى ىسكە اسىرۋ اياسىنداعى ءوڭىردىڭ نەگىزگى ءمىندەتتەرى ايتىلدى.
«ەگەمەن-اقپارات».
